«Կասիլյասը մեր պատմության ամենակարևոր խաղացողներից մեկն է»․ «Ռեալ»

«Ռեալի» ֆուտբոլային ակումբը պաշտոնական հրապարակում է կատարել թիմի նախկին դարպասապահ Իկեր Կասիլյասի վերավերյալ, ով ավելի վաղ հայտարարել էր իր՝ ակումբը լքելու մասին: Կասիլյասն իր կարիերայի մեծ մասն անցկացրել է Մադրիդի «Ռեալում», իսկ «Արքայական ակումբը» 5 անգամ նվաճել է Իսպանիայի առաջնությունը, երկու անգամ՝ երկրի գավաթը և երեք անգամ՝ Չեմպիոնների լիգան: Ընդհանուր առմամբ, դարպասապահը 16 մրցաշրջանի ընթացքում 725 հանդիպում է անցկացրել թիմի համար: Իսպանիայի հավաքականի համար Կասիլյասը նաև աշխարհի չեմպիոն է և Եվրոպայի կրկնակի չեմպիոն:
«Մադրիդի և իսպանական ֆուտբոլի պատմության մեջ լավագույն դարպասապահը մեզ միացավ 9 տարեկանում: 25 տարի նա խաղաց մեր թիմում՝ դառնալով բոլոր ժամանակների ամենանշանավոր դարպասապահներից մեկը: Իկեր Կասիլյասը վաստակել է երկրպագուների սերը և հանդիսանում է այն արժեքների խորհրդանիշը, որը ներկայացնում է «Ռեալը», - ասվում է տեքստում: «Այսօր նա հրաժեշտ է տալիս մեզ՝ որպես պրոֆեսիոնալ խաղացող։ Նա մեր 118 տարվա պատմության ամենակարևոր ֆուտբոլիստներից մեկն է՝ մի խաղացող, որին մենք սիրում ենք և հիանում նրանով, դարպասապահ, ով իր աշխատանքով ու օրինաչափ խաղով ուռճացրել է մեր մասին լեգենդները ինչպես խաղադաշտում, այնպես էլ խաղադաշտից դուրս: Կասիլյասը «Ռեալի» սրտում է և կմնա այնտեղ ընդմիշտ», - ասված է հաղորդագրության մեջ: