Մեր երեխաները խաղալու տեղ չունեն, պատկերացրեք էս շենքը սարքեն, մեր վիճակն ի՞նչ է լինելու
Հասարակություն
Մենք մարտ ամսվանից ենք մեր բողոքները ներկայացրել, որդեմ ենք, էստեղ մանկապարտեզ եղել է և պետք է լինի, իսկ եթե ոչ էս վիճակը գոնե չլինի։ Այս մասին այսօր լրագրողների հետ զրույցում ասաց Աղբյուր Սերոբ 7 հասցեի բնակիչներից մեկը։
«Շինարարական ընկերությունից մեր բնակիչներից մեկին հայտնել են, որ բարձրահարկ շենքի տակ լինելու է մանկապարտեզ, այսինքն՝ իրենք իրավունք ունեն տասհարկանի շենքի տակ կառուցել մանկապարտե՞զ։ Ես գաղափար չունեմ օրենքներից, բայց մեր էսքան գոռալ-գոչեկլուն ինչ-որ մեկը գոնե արձագանքեր»,-ասաց բողոքող բնակիչը։
Մեկ այլ բնակիչ էլ ասում է՝ մեր երեխաները խաղալու տեղ չունեն, պատկերացրեք էս շենքը սարքեն, մեր վիճակն ի՞նչ է լինելու։
Նշենք, որ Աղբյուր Սերոբ 7 հասցեի բնակիչները այսօր՝ օգոստոսի 24-ին, փակել են ճանապարհը՝ իրենց դժգոհությունը հայտնելով հարևանությամբ կառուցվող բարձրահարկ շենքի առիթով։ Դեպքի վայրում են ոստիկանները, որոնք փորձում են ճանապարհը բացել։
Հիշեցնենք, որ դեռևս օգոստոսի 13-ին, Աղբյուր Սերոբ 7 հասցեի բնակիչները բողոքի ակցիա էին անում իրենց իրավունքների պատշպանության համար։ Նրանք նշում էին, որ հանրային քննարկումներ չի եղել և չեն ցանկանում, որպեսզի իրենց շենքի դիմաց, մի քանի մետր հեռավորության վրա, բարձրահարկ շենք կառուցվի։
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
