«Էն մեկը Հայաստանը ծախեց Պուտինին, հիմա էլ Նիկոլն ա նույնը անում»

Աղբյուր Սերոբի բնակիչները կրկին բողոքի ակցիա են իրականացնում, պահանջը անփոփոխ է՝ թույլ չտալ բազմահարկանի էլիտար շենքի կառուցումը: Այսօր Աղբյուր Սերոբի բնակիչները իրենց բողոքը լսելի դարձնելու համար փակել են ճանապարհը:

«Քաղաքապետարանը շատ թույլ ու վատ ա աշխատում: Ես մի հարց ունեի, զանգեցի քաղաքապետարանի թեժ գիծ՝ իմանալու՝ արդյոք թույլատրելի է հանգստյան օրը՝ շաբաթ օրը, շինարարական աշխատանքներ իրականացնել ու խանգարել հանգիստը, իրենք չգիտեին այդ հարցի պատասխանը: Ինձ փոշին ու աղմուկը խանգարում է: Անգամ եղել են աշխատանքային օրեր, երբ բեռնատարը մինչև 23:00 աշխատել է»,- նշեց բնակիչներից մեկը:

Աղբյուր Սերոբի մեկ այլ բնակիչ էլ ասաց. «Նայե´ք՝ Նիկոլի օրոք Երևանը ինչ ա դարձել: Հայկ ջան, մոռացե՞լ ես Կիևյան 10 շենքի հայաթը, որ պապադ էր էդտեղ ապրում, ու էդ հայաթը կանաչ ծառերով հատե՞լ ես տվել: Մարդիկ դեռ չգիտեն, որ մեր շենքի էն մյուս կողմն էլ ա նոր շենք կառուցվում: Ի՞նչ ա ձեր ուզածը, որ մարդիկ խեղդվե՞ն: Ես Նիկոլի կողմից մարդ եմ եղել, բայց էսօրվանից ես հիասթափվել եմ իրանից: Մենք առաջ մեր երեխեքին հանգիստ խանութ էինք ուղարկում, բայց հիմա արդեն վախենում ենք, որովհետև մեր քաղաքում բեսպրեդել ա տիրում: Հայկ, ամո´թ քեզ, հազար ամո´թ: Էստեղ դրախտ էր, բայց սարքեցին դժոխք: Էդ մանկապարտեզը, որ քանդում են, թո´ղ դպրոց սարքեն: Էս ի՞նչ եք անում, ուզում եք ժողովրդին վերացնե՞ք քաղաքից: Էն մեկը Հայաստանը ծախեց Պուտինին, հիմա էլ Նիկոլն ա էդ անու՞մ»,- ասաց բնակչուհին: