Ինչպես ՍԴ թնջուկը պառակտեց «Իմ քայլը»

Սահմանադրական դատարանի ճգնաժամի լուծման ուղիները, որոնք առաջ քաշվեցին իշխող քաղաքական ուժի կողմից որևէ կերպ այդ մտացածին ճգնաժամի լուծմանը չհանգեցրին, փոխարենը այն շահերի բախումը որը ի հայտ եկավ ՍԴ դատավորների ընտրության հարցում՝ լուրջ ճգնաժամ առաջացրեց հենց իշխանության ներսում: Բնական է, որ ՔՊ-ականների համար գերնպատակը դա լեգիտիմ ՍԴ ունենալը չէ, հակառակ դեպքում այս ինստիտուտի շուրջ չէր ստեղծվի արհեստական ճգնաժամ և այն չէին փորձի լուծել ամենահակասահմանադրական ճանապարհներով: Նպատակը՝ ՍԴ-ն յուրայիններով կոմպլտեկտավորելն էր, իսկ հաշվի առնելով, որ իշխող քաղաքական ուժը միատար չէ, կազմված է տարբեր շահեր հետապնդող թևերից՝ այդ խնդրի լուծումը ներթիմային լուրջ հակասություններ առաջացրեց: 

Առաջին գործնական արդյունքը այդ հակասությունների «Իմ քայլը» խմբակցության պատգամավոր Գայանե Աբրահամյանի կողմից մանդատը վայր դնելու որոշումն էր, որի մասին հայտնի դարձավ այսօր: Այս որոշումը պայմանավորված է ՍԴ դատավորների ընտրության հարցում անհամաձայնությամբ: Աբրահամյանը դեմ էր Խունդկարյանի թեկնածության հաստատմանը և համարվում էր Վահե Գրիգորյանի թևից, ով ԱԺ-ում զբաղվում էր Վահե Գրիգորյանի լոբբինգով: Նրա հեռանալը հասկանալի է. կարծես թե, կառավարությունը վերջնականապես որոշել է, որ ՍԴ նախագահի պաշտոնը զբաղեցնելու է ոչ թե Վահե Գրիգորյանը, այլ` հենց Երվանդ Խունդկարյանը: 

Մինչ այդ էլ հիշեցնենք, որ «Իմ քայլը» մերժեց Վահրամ Ավետիսյանի թեկնածությունը, նրա առաջադրման հետևում կանգնած էր Արդարադատության նախարար Ռուստամ Բադասյանը, և նա էր Նիկոլ Փաշինյանին համոզել այդ հարցում։ Լուրջ դերակատարում է ունեցել նաև Փաշինյանի՝ իրավական ոլորտը կուրացիա անող օգնականը՝ արդարադատության նախկին փոխնախարար Աննա Վարդապետյանը, որը, չնայած Ռուստամ Բադասյանի հետ ունեցած կոնֆլիկտին, սատարել էր նրա թեկնածուին, քանի որ երկար տարիներ աշխատել է Վահրամ Ավետիսյանի հոր՝ Վճռաբեկ դատարանի քրեական պալատի նախագահ Դավիթ Ավետիսյանի հետ, նրա օգնականն է եղել: Վահրամ Ավետիսյանի առաջադրումից հետո մեծ աղմուկ բարձրացրեցին ՍԴ դատավոր Վահե Գրիգորյանի կողմնակիցները, որոնք սկսեցին ջրի երես հանել Բադասյանի թեկնածուի անցյալը, տարատեսակ մեղադրանքներ հնչեցնել նրա հոր հասցեին, սկսեցին վերլուծել նրանց ունեցվածքը, պահվածքը եւ այլն։ Իրավիճակն այնքան սրվեց, որ Գրիգորյանի կլանը հակաավետիսյանական արշավում ներգրավեց նաև Մարտի մեկի զոհերի ընտանիքների անդամներին, որոնց անունից երկու նամակ ուղղեցին Փաշինյանին՝ պահանջելով չեղարկել Ավետիսյանի առաջադրման որոշումը։ Փաստացի, Վահրամ Ավետիսյանի՝ առաջադրումից հրաժարվելու փաստը նշանակում էր, որ Ռուստամ Բադասյան-Աննա Վարդապետյան դուետը պարտվեց Գրիգորյանի կլանին, որին հաջողվեց Փաշինյանին ճնշելու և վիրտուալ հարձակումների միջոցով հասնել իր ուզածին:

Սակայն, հիմա Գրիգորյանի գործերը այնքան էլ լավ չեն, և դա պայմանավորված է առաջին հերթին ՀԱԿ-ի հետ Նիկոլ Փաշինյանի հարաբերությունների լարվածությամբ: Գաղտնիք չէ, որ Գրիգորյանին առաջ հրողը նախկինում էլ եղել են տերպետրոսյանական թեւն ու «Սասնա ծռերը», Փաշինյանի հարաբերությունները լարվել են նաև վերջիններիս հետ: 

«Իմ քայլում» լարվածություն ի հայտ եկավ նաև դատավորների թեկնածությունների քննարկման փուլում: Պատգամավորների մի մասը՝ Նարեկ Զեյնալյանի ղեկավարությամբ, ցանկանում էին այդ դիրքում տեսնել արդարադատության նախկին նախարար Արտակ Զեյնալյանին: Երբ այդ սցենարը տապալվեց իմքայլականներից ՝ Նարեկ Զեյնալյանի թևի ներկայացուցիչներ Թագուհի Թովմասյանը և Լուսինե Բադալյանը դեմ քվեարկեցին արդեն իսկ հաստատված երեք թեկնածուներին: Նրանց երկուսի կողմից էլ մանդատները վայր դնելը անչափ հավանական է համարվում: 

Քանի դեռ ՍԴ-ում առաջացած ճգնաժամը չի հանգուցալուծվել, այն էլ ավելի է խորացնելու հակասությունները իշխող քաղաքական ուժի ներսում և չի կարելի բացառել, որ ՍԴ թեման կդառնա նորանոր հրաժարականների պատճառ` էլ ավելի լարելով մթնոլորտը հեղափոխական թիմում… 

Այս թեմայով Ցանկացած ճգնաժամ գիտելիքի պակասից է, մեր բոլոր պրոբլեմների լուծման բանալին կրթությունն է. Նիկոլ Փաշինյան Սամվել Բաբայանի աջակիցները պահանջում են կոմիտե ստեղծել և Բաբայանին գործելու մանդատ տալ Ամեն անգամ, երբ թվում է՝ ցինիզմը, այնուամենայնիվ, սահմաններ ունի, Փաշինյանը հակառակն է ապացուցում. Սուրեն Սուրենյանց Ինչու Փաշինյանը արհամարհեց Բայդենի «հրաժեշտի» ընդունելությունը․ Սուրեն Սարգսյան Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով