Ովքե՞ր են Բադասյանի բարեփոխումների իրական «սպառողները»

Արդարադատության նախարար Ռուստամ Բադասյանը պաշտոնը ստանձնելու պահից սկսած անում է դարակազմիկ ռեֆորմների անոնսներ, որոնց արդյունավետությունը, սակայն, հանրությունն այդպես էլ չի զգացել, քանի որ ռեֆորմների մեծ մասը մնացել են թղթի վրա, իսկ նրանք, որոնք իրականացվում են, նպաստում են ոչ թե արդարադատության համակարգի զարգացմանը և բարեփոխմանը, այլ` Նիկոլ Փաշինյանի քաղաքական խնդիրների լուծմանը:

Դատաիրավական ռազմավարությունով նախատեսված միջոցառումներից նախարարությունում հատկանշական են համարում սահմանադրական և ընտրական օրենսդրության բարեփոխումների կոնկրետ քայլերը, անցումային արդարադատության գործիքակազմի կիրառման շրջանակներն ու  ուղղությունները, ինչպես նաև դատավորների անկախության, անաչառության և արդյունվետության ապահովմանն ուղղված գործությունները: Նշենք, որ սահմանադրական և ընտրական օրենսդրությունը իրականում ոչ թե բարեփոխվում է, այլ կոպտորեն բռնաբարվում և հարմարեցվում քաղաքական թիմի շահերին: Դատավորների անկախության միֆը նոր Հայաստանում նույնպես վաղուց արդեն պայթել է, քանի որ հենց իրենք դատավորները  բազմիցս հայտարարել են, որ ենթարկվում են բավականին լուրջ պրեսինգի, որի առկայության դեպքում անաչառության մասին խոսելն ավելորդ է:

Բադասյանի ղեկավարման տարիներին Հայաստանը մի քանի անգամ հասցրել է խայտառակվել  միջազգային իրավական ատյաններում, այդ թվում՝ Վենետիկի հանձնաժողովի առջև: Ընդ որում, հետաքրքիր է, որ Բադասյանի ռեֆորմներին ակտիվորեն աջակցում է Արևմուտքը, մասնավորապես ԵՄ-ն, որը վերջերս 9 միլիոն դոլարի դրամաշնորհ է հատկացրել նախարարությանը` բարեփոխումները կյանքի կոչելու համար: Դրանով, ըստ էության, կյանքի է կոչվելու Հակակոռուպցիոն նոր դատարանի գաղափարը, որը ոչ այլ ինչ է, քանի իշխանությունների կողմից դատական համակարգը կազմաքանդելու և դատավորներին հնազանդեցնելու հերթական փորձը:

Քրեակատարողական հիմնարկներում բարեփոխումները նույնպես այս իշխանությունների խոստումներից էին, սակայն, ինչպես հասկանում ենք, բանակի նմանությամբ, այստեղ նույնպես մատի փաթաթան է դարձել սննդի բարելավումը, մատակակարումն էլ հանձնվել էր հայտնի մասնավոր ընկերությանը, իսկ ահա իշխանությունները դրա մեջ որևէ արտառոց կամ կոռուպցիոն շղարշ պարունակող քայլ չնկատեցին: Ե՛վ դատապարտյալներն են կուշտ, և՛ յուրայինները:

Ըստ նախարարի` բարեփոխումներից մեկն էլ այն էր, որ հետևողական միջոցներ են ձեռնարկվել նաև քրեական ենթամշակույթի դեմ պայքարի ոլորտում: Թե ինչի համար և ինչ նպատակով են իշխանությունները թիրախավորում օրենքով գողերին՝ հասկանալի է, ցանկացած սուբմշակույթ և ցանկացած տարբերվող անձ, ով ունի որոշակի իշխանություն, քաղաքական իշխանությունների համար իրենից պոտենցիալ վտանգ է ներկայացնում և պետք է չեզոքացվի:

Այս թեմայով Ցանկացած ճգնաժամ գիտելիքի պակասից է, մեր բոլոր պրոբլեմների լուծման բանալին կրթությունն է. Նիկոլ Փաշինյան Ամեն անգամ, երբ թվում է՝ ցինիզմը, այնուամենայնիվ, սահմաններ ունի, Փաշինյանը հակառակն է ապացուցում. Սուրեն Սուրենյանց Ինչու Փաշինյանը արհամարհեց Բայդենի «հրաժեշտի» ընդունելությունը․ Սուրեն Սարգսյան Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան