Տղամարդիկ բացահայտել են կանանց լքելու իրական պատճառները

Տարբեր երկրների տղամարդիկ բացահայտել են, թե ինչու են դադարել շփվել իրենց սիրելիների հետ: Ինչպես նշում է Daily Mail-ը, հարաբերությունները դադարեցնելու իրական պատճառների մասին պատմել են Whisper հավելվածի օգտատերերը:

Պարբերականի հաղորդմամբ` հավելվածի որոշ օգտատերեր խոստովանել են, որ միանգամից դադարեցրել են աղջիկների հետ շփումը, քանի որ չեն կարողացել բաժանման համար համապատասխան բառեր գտնել: Միևնույն ժամանակ, ոմանք շեշտել են, որ հետագայում զղջացել են, որ չեն խոստովանել զուգընկերուհուն իրենց վախերի կամ լուրջ հարաբերությունների պատրաստ չլինելու մասին:

Եղել են նաև նրանք, ովքեր ասել են, որ վերջ են տվել հարաբերություններին, քանի որ, իրենց կարծիքով, կանայք չափազանց «կպչուն» էին և  ուշադրության «կարիք ունեին»: Գրառման հեղինակներից մեկը պատմել  է, որ վախեցել է շարունակել հարաբերություններն այն բանից հետո, երբ կինն  առաջին ժամադրության ժամանակ ասել է` «Ես քեզ սիրում եմ»: Միևնույն ժամանակ, տղամարդը խոստովանել է, որ «իրեն մեղավոր է զգում այդ որոշման համար»:

Դաջվածքների սիրահարը գրել է, որ լքել է իր սիրելիին այն բանից հետո, երբ նա հայտարարել է, որ մարմնի վրա դաջվածքներ չի սիրում: Օգտատերերից որոշներն էլ որպես բաժանման պատճառ նշել են ծխելը:

Իսկ ահա ոմանք  բավականին զվարճալի պատճառներ են նշել: Օրինակ` մեկը հիշել է, որ ընկերուհու հետ դադարել է շփվել այն բանից հետո, երբ վերջինս խնդրել է լքել կինոդահլիճը` «Սարդ-մարդը» ֆիլմի սեանսի ժամանակ: