Բանտապահը սեռական հարաբերություն է ունեցել բանտարկյալի հետ և կալանավորվել

Բանտապահը կալանավորվել է 210 օրով` բանտարկյալի հետ սեռական հարաբերություն ունենալու համար, հայտնում է MK.ru-ն:

26-ամյա Թինա Գոնսալեսը միտումնավոր անցք է բացել տաբատի վրա, որպեսզի կարողանա հեշտությամբ շփվել իր սիրեկանի հետ մյուս 11 բանտարկյալների առջև:

Կինը մեղադրվում է նաև իր սիրեցյալին թմրանյութեր, բջջային հեռախոս, ածելի և Կալիֆոռնիայի Ֆրեզնո շրջանում գտնվող բանտի վերաբերյալ «գաղտնի» տեղեկություններ հաղորդելու մեջ:

Շերիֆի տեղակալ Սթիվ Մաքքոմասը Գոնսալեսին մեղադրել է բանտի մյուս աշխատակիցների անվտանգությունը վտանգելու մեջ: Նա հավելել է, որ միայն հեշտասերը կարող էր մտածել սեքսի համար տաբատի վրա անցք բացելու մասին:

Բանտապահի և բանտարկյալի միջև կապը տևել է ավելի քան մեկ տարի, մինչ որ նա ձերբակալվել է: Նշվում է, որ նույնիսկ բանտարկվելուց հետո կինը շարունակում է կապ պահպանել իր սիրեկանի հետ: Միևնույն ժամանակ, ինչպես նշել է շերիֆի տեղակալը, նրա զրույցները ակնհայտ սեռական բնույթ են կրում: