Կանանց սեռական օրգանների չափի մասին հետաքրքիր վիճակագրություն
ԱյլԿնոջ արտաքինում միշտ կարելի է թերություններ գտնել: Ոչ բավարար գանգուր մազեր, մեծ քիթ, կարճ ոտքեր, լայն իրան ... Շուտով, միգուցե, այս ցուցակին կավելացվեն նաև սեռական օրգանները: Արդեն որոշ կանայք անհանգստացած են, որ իրենց մոտ «այնտեղ» ինչ-որ բան այն չէ: Ամենահամարձակները կատարում են սեռական շուրթերի պլաստիկ վիրահատություն:
Cosmo.ru-ի հաղորդմամբ` շվեյցարացի գինեկոլոգները չափել են 657 կանանց սեռական օրգանները և կիսվել արդյունքներով:
Հետազոտությունն անցկացվել է ավելի քան երկու տարի Լյուցեռնի գինեկոլոգիական կաբինետների կին հիվանդների շրջանում: Բժիշկները չափել են կլիտորը, մեծ և փոքր շուրթերը, ապա գիտնականները վերլուծել են արդյունքները:
Նշվում է, որ մասնակիցները 15-ից 84 տարեկան են եղել, սպիտակամորթ:
Արդյունքներն այսպիսին են. փոքր շուրթերի միջին չափը 4.3 սմ է: Բայց, հաշվի առնելով, որ երկարությունը տատանվում է 5 մմ-ից 10 սմ, բոլորը կարող են նորմալ համարվել:
Մեծ շուրթերի երկարությունը 8 սմ է, դիապազոնը՝ 1,2-ից 18 սմ:
Կլիտորի տեսանելի հատվածի միջին երկարությունը 7 մմ է, դիապազոնը` 0,5 մմ-ից մինչև 3,4 սմ:
Ամենակարևոր բանը, որ պետք է իմանաք, այն է, որ ձեր ամոթույքը լիովին նորմալ է, քանի դեռ այն չի առաջացնում ֆիզիկական ցավ կամ անհանգստություն: Հետազոտության բոլոր մասնակիցները բժշկական հետազոտություն են անցել, պարզվել է, որ նրանք առողջ են: Գիտնականները հույս ունեն, որ այս արդյունքները կհամոզեն կասկածող կանանց, որ իրենց հետ ամեն ինչ լավ է, և որ «մեծ կամ փոքր ամոթույք» հասկացությունը հորինել են նրանք, ովքեր պարզապես կատակել են: