Դաուդը երկարաձգել է պայմանագիրը «Բորուսիայի» հետ

Դորտմունդի «Բորուսիայի» ֆուտբոլիստ Մահմուդ Դաուդը երկարաձգել է պայմանագիրն ակումբի հետ, հայտնում է Գերմանիայի հավաքականի պաշտոնական կայքը:

25-ամյա կիսապաշտպանի հետ նոր պայմանագիրը հաշվարկված է մինչև 2023 թվականի հունիսի 30-ը: Դաուդը Դորտմունդի «Բորուսիայում» խաղում է 2017 թվականից, երբ նա Մյունխենգլադբախի համանուն թիմից միացավ «դեղին-սևերին»: Ընդհանուր առմամբ՝ կիսապաշտպանը 101 պաշտոնական հանդիպում է անցկացրել դորտմունդցիների կազմում՝ դառնալով երեք գոլի հեղինակ: Նա երկու հանդիպում ունի նաև Գերմանիայի հավաքականում: