Չենք կարո՞ղ այնպես կարգավորել հարցը, որ տաքսիստին հանգիստ թողնենք. Փաշինյան

«Էն հին, չէ‘ հին չէ, ստանդարտ տաքսու ծառայությունը, ես հույս ունեմ, որ տաքսու վարորդները շատ չեն նեղանա իմ այս ձևակերպումից ինքը, ըստ էության, մեռնող ծառայություն է: Այսինքն, երբ որ մարդիկ ձեռքով տաքսի են կանգնեցնում, նստում, վճարում են և տաքսիստն ու հաճախորդը իրար  հանդիպում են ֆիզիկապես փողոցում, հիմա ավելի շատ իրենք հանդիպում են ինտերնետում՝ պատվերների միջոցով և մենք հարկերը պետք է փորձենք հավաքել այս եղանակով»: Այս մասին այսօր՝ օգոստոսի 6-ին, կառավարության նիստի ժամանակ ասաց ՀՀ վարչապետ Նիկոլ Փաշինյանը՝ անդրադառնալով  տաքսի ծառայություններին: