ՌԴ Պետդումայի փոխխոսնակը հայտարարել է, որ ռուս ժողովրդին վիրավորելն Ադրբեջանի համար հետևանքներ կունենա
Այլ
ՌԴ Պետդումայի փոխխոսնակ Պյոտր Տոլստոյը ( «Եդինայա Ռոսիա») կանխատեսում է Բելառուսում, Մոլդովայում և Պակիստանում Ադրբեջանի նախկին դեսպան Իսֆանդիյար Վահաբզադեի կողմից ռուս ժողովրդի վիրավորանքի հետևանքները:
«Եվ կլինեն հետևանքներ: Կամ պետք է ներողություն խնդրել: Մի մարդը կարող է ներել մյուսին: Բայց ժողովրդի, հավատքի և պետության նկատմամբ վիրավորանքները մնում են երկրների միջև հարաբերությունների պատմության մեջ», - ասել է Տոլստոյը տելեգրամյան իր ալիքում:
Նա ուշադրություն է հրավիրել այն փաստի վրա, որ Ադրբեջանի նախկին դեսպանը ռուսներին անվանել է խոզեր:
«Չնայած դիվանագետը նախկին է, նա հիանալի զգում է, թե ինչ է կարելի և ինչը` ոչ: Ոչ նա, ոչ նրանք, ովքեր ազգային հանրապետություններում, որոնք Ռուսաստանի բարի կամքով դարձել են երիտասարդ, բայց անկախ պետություններ, չեն վախենում հետևանքներից, այսօր վիրավորում են Ռուսաստանին և ռուսներին», - հայտարարել է խորհրդարանականը:
Ավելի վաղ Ռուսաստանի Լիբերալ-դեմոկրատական կուսակցության առաջնորդ, Պետդումայի պատգամավոր Վլադիմիր Ժիրինովսկին հայտարարել էր, որ մտադիր չէ անպատիժ թողնել Բելառուսում, Մոլդովայում և Պակիստանում Ադրբեջանի նախկին դեսպան Իսֆանդիյար Վահաբզադեին` ռուս ժողովրդի և իր հասցեին հնչեցրած վիրավորանքների համար:
ՈՒՂԻՂ ԵԹԵՐ
Ամենադիտված 
Ջուր չի լինի հուլիսի 28-ին ժամը 07.00-ից մինչև հուլիսի 29-ը ժամը 07.00-ն
