Մոդելը փախել է սեքս-աղանդից և պատմել իր վեցամսյա փորձի մասին

Այլ 11 Օգոստոս, 2021 23:04

Ավստրալացի մոդել Էշլի Ֆրեքլթոնը խոսել է Ռումինիայում սեքս-աղանդում լինելու իր վեցամսյա փորձի մասին: Նրա պատմությունը ներկայացնում է Mamamia պորտալը:

2018-ին լոնդոնցի «խարիզմատիկ» ընկերը նրան հրավիրել է այցելել Ռումինիայում գտնվող յոգայի դպրոց: Տեղ հասնելուն պես բոլոր ուսանողները խոսք են տվել, որ այն ամենը, ինչ կտեսնեն հաստատության պատերի ներսում, ընդմիշտ գաղտնի կպահեն: Միևնույն ժամանակ, կուրսի ղեկավարը թույլ է տվել իրեն դիմել բացառապես «Նա»-ով:

«Մարմինս ճչում էր, որ ամեն ինչ սխալ է: Բայց ես ինքս ինձ ասացի. «Դա պարզապես քո էգոն է: Դու պարտավոր ես զարգանալ հոգեպես: Պետք է հաղթահարել սա, շարունակիր առաջ շարժվել»,- պատմել է մոդելը:

Հետագա ամիսներին Ֆրեքլթոնի խմբին ուսուցանվել է մասոնական դավադրության տեսության և Covid-19-ի դեմ պատվաստումների վտանգների մասին: Բացի այդ, բոլոր մասնակիցներին ստիպել են սեռական հարաբերություններ ունենալ միմյանց հետ և պոռնո դիտել: Ծրագրի ավարտին մոդելը ուղարկվել է Փարիզ՝ «Նրա» հետ սեռական հարաբերություն ունենալու համար՝ որպես վերջին ծիսակարգ:

«Նրանք խոստացան, որ ամբողջ աշխարհը կլինի իմ ոտքերի տակ, եթե ես անցնեմ ձեռնադրման ծեսը: Նրանք «ոչ» ասող կանանց անվանում էին համառ, հիմար և մակերեսային», - կիսվել է հոդվածի հերոսուհին և հավելել, որ ինքը հրաժարվել է ծեսից, որից հետո աղանդում սկսել են խոսել իր հեռացման մասին:

Ֆրեքլթոնին հաջողվել է փախչել ճամբարից: Ավստրալիա վերադառնալուց հետո հոգեբանները նրան ախտորոշել են հետտրավմատիկ խանգարում: «Տանն ինձանից մի քանի ամիս պահանջվեց հասկանալու համար, թե ինչ էր իրականում կատարվում այնտեղ»,- եզրափակել է նա: