«Օրենքով գող» է մահացել
Այլ
«Օրենքով գող» Վլադիմիր Բարկալովը, ով նեղ շրջանակներում առավել հայտնի է Բլոնդին մականունով, մահացել է 73 տարեկանում, գրում է «Прайм Крайм»-ը: Ըստ որոշ աղբյուրների` «օրենքով գողը» մահացել է Բուլղարիայում, մյուսների համաձայն` Իսրայելի տարածքում:
Ծնունդով Վորոնեժից Բարկալովը դատապարտվել է վեց անգամ, որից հինգը՝ խուլիգանության համար: Նա պատիժ էր կրում Կոմիում՝ վրացի ազդեցիկ օրենքով գող Վալերիան Կուչուլորիայի հետ միասին, որը քրեական շրջանակներում հայտնի էր որպես Պիսո:
Բարկալովն օրենքով գողի կարգավիճակ ստացել է 1994 թվականին՝ կողոպուտի, թմրանյութերի և խարդախության համար տասը տարվա պատիժ կրելուց հետո:
ԽՍՀՄ փլուզումից հետո մի քանի անգամ փորձել են Բլոնդինին քրեական պատասխանատվության ենթարկել թմրանյութերի համար, սակայն նրա կինը, ով փաստաբան է, ամեն անգամ փրկել է նրան իրական ժամկետից:
Չկարողանալով տարածել իր ազդեցությունը հայրենի Վորոնեժում, ի տարբերություն Օլեգ Պլոտնիկովի (Պլոտնիկ), որը երկու տասնամյակ ղեկավարում էր քաղաքը, Բլոնդինը բնակություն է հաստատել արվարձաններում: Պլոտնիկովի մահից հետո Բարկալովը փորձել է զբաղեցնել նրա տեղը:
Այն բանից հետո, երբ ռուսական իշխանությունները սկսեցին հետապնդել «օրենքով գողի» կարգավիճակ ունեցողներին, Բլոնդինը աքսորվեց՝ մեկնելով Չեռնոգորիա:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
