Կինը չի նկատել իր հղիությունը, ընկերների հետ գնացել է խմելու և հանկարծակի ծննդաբերել
ԱյլԲրիտանական Հալիֆաքս քաղաքի բնակչուհին չի նկատել իր հղիությունը եւ հանկարծակի ծննդաբերել է: Այս մասին հայտնում է Daily Mail-ը:
Ծննդաբերությունից 10 ժամ առաջ 23-ամյա Լավինիա Սթենթոնը ընկերների հետ խմում էր ռեստորանում: Հանկարծ նրա մոտ ցավեր են սկսվել: Ընթրիքի ավարտին ցավն այնքան էր ուժեղացել, որ նա որոշեց գնալ մոր մոտ: Մեկ ժամ անց վերջինս շտապ օգնություն է կանչել դստեր համար:
«Երբ ինձ բերեցին հիվանդանոց, ես մտածեցի, որ նրանք ինձ կասեն, որ դա ապենդիցիտ է կամ ինչ-որ այլ վարակ»,- հիշում է կինը: Ի զարմանս նրա` մեզի անալիզը ցույց է տվել, որ ինքը հղի է: Մի քանի ժամ անց կեսարյան հատման արդյունքում ծնվել է նրա դուստրը՝ 2,75 կիլոգրամ քաշով:
Ըստ Սթենթոնի՝ ինքը չգիտեր, որ երեխայի է սպասում: Նրա մոտ չի դադարել դաշտանը, առավոտյան սրտխառնոց չի ունեցել, իսկ ծննդաբերությունից մի քանի շաբաթ առաջ կատարված հղիության թեստերը բացասական են եղել: Վերջին ամիսներին նա գիրացել է մի քանի ֆունտով, բայց դա բացատրել է նրանով, որ համավարակով պայմանավորված կարանտինի ժամանակ եղել է տանը: