Գորիս-Կապան ավտոճանապարհին ադրբեջանցիները 3 հայկական մեքենա են ստուգել․ Գորիսի քաղաքապետի տեղակալ

Ահազանգեր կան, որ Գորիս-Կապան միջպետական ավտոճանապարհին տեղակայված ադրբեջանցի սահմանապահներն ու ոստիկանները Սեպտեմբերի 14-ին կանգնեցրել և ստուգել են երեք հայկական ավտոմեքենա: Այս մասին ԼՈՒՐԵՐ․com-ի հետ զրույցում ասաց Գորիսի քաղաքապետի տեղակալ Կարո Քոչարյանը։

«Այդ մասին մեզ հայտնել են վարորդները, որոնց մեքենաները կանգնեցրել են ադրբեջանցիները։ Այլ դեպքեր կան թե ոչ, չեմ կարող ասել»,- նշեց նա։

Քոչարյանի խոսքով՝ ադրբեջանցիները բավականին կոշտ ու կոպիտ վերաբերմունք են ցույց տալիս հայ վարորդների նկատմամբ, կանգնեցնելիս պահաջում են փաստաթուղթեր  և ստուգում ավտոմեքենան։

Ավելի վաղ, տեղեկացրել ենք, որ Գորիս-Կապան ճանապարհին ադրբեջանական ոստիկանության կետ է տեղադրվել։