Կյանքը չենք կանգնեցնելու՝ միայն այդ ճանապարհով զբաղվելու համար․ Քերոբյանը՝ Գորիս-Կապանի ադրբեջանական անցակետի մասին
Հասարակություն
«Մենք շատ անհանգստացած ենք այս պահին եղած իրավիճակով և համարում ենք, որ ճանապարհի այսպիսի կարգավիճակը մեծ վնաս է տալիս տնտեսությանը, առևտրին և զբոսաշրջությանը»,- այս մասին այսօր՝ սեպտեմբերի 16-ին, Կառավարության նիստից հետո հայտարարեց Էկոնոմիկայի նախարար Վահան Քերոբյանը՝ անդրադառնալով Գորիս-Կապան ճանապարհահատվածում տեղակայված ադրբեջանական անցակետում իրանական բեռնատարների վարորդների ստուգմանն ու հարկմանը։
Քերոբյանն ասաց, որ պատերազմից հետո, մինչև նորմալ կյանքին անցնելը, նման խնդիրներ կլինեն, ուղղակի պետք է սառնասրտորեն լուծել խնդիրները. «ՀՀ-ն իր գործողություններում փորձում է էսկալացիա թույլ չտալ, չնայած Ադրբեջանը անընդհատ նոր խնդիրներ է ստեղծում։ Եթե ձեզ թվում է, որ պետք է կյանքը կանգնեցնենք, ուրիշ ոչ մի բան չանենք, զբաղենք միայն այդ մի ճանապարհով, չշնչե՞նք, չարտաշնչե՞նք, չքնե՞նք, չզարթնե՞նք, ես սասում եմ, որ այդ խնդիրները պետք է լուծել, բայց բացի այդ խնդիրներից շատ այլ հարցեր կան, որ պետք է լուծվեն։ Ասել, որ մի խնդիր է պետք լուծել, մնացածը մոռանալ՝ ճիշտ չէ»։
ՈՒՂԻՂ ԵԹԵՐ
Ամենադիտված 
Գլենդեյլաբնակ բժիշկ Վիոլետա Մայիլյանը դատապարտվել է 15 տարվա ազատազրկման՝ բոտոքսի հետ կապված 45 մլն դոլարի խոշորագույն խարդախության համար
