Բրեդ Փիթը դատի է տվել Անջելինա Ջոլիին (լուսանկարներ)
ԱյլԴերասան Բրեդ Փիթը մեղադրել է նախկին կնոջը՝ դերասանուհի Անջելինա Ջոլիին, դավադրության մեջ՝ Ֆրանսիայում խաղողի այգու իրենց ընդհանուր ունեցվածքի կեսը վաճառելու փորձի պատճառով: Այս մասին սեպտեմբերի 22 -ին հայտնել է Daily Mail թերթը՝ վկայակոչելով Լյուքսեմբուրգի դատարանում ներկայացված հայցը:
Նշվում է, որ 405 հա մակերեսով եւ ավելի քան 160 մլն դոլար արժողությամբ Chateau Miraval կալվածքում զույգը ամուսնացել է 2014 թվականին:
Փիթը պնդում է, որ իր նախկին կինը «համակարգված կերպով խանգարում է» իրեն տնօրինել սեփականության իր բաժինը:
Դերասանի փաստաբանները նշել են, որ Անջելինան փորձում է վաճառել իր գույքի մի մասը խորհրդանշական գումարով, ինչը կօգնի նրան զրկել Բրեդին այն տնօրինելու և շահույթ ստանալու իրավունքից՝ չնայած նախագծում ներդրված ժամանակին և գումարին:
Փիթին մոտ կանգնած աղբյուրը Ջոլիին անվանել է «վրեժխնդիր կանոնախախտ»՝ մեկնաբանելով դատարանի բողոքը:
Հիշեցնենք, որ անցյալ տարվա սեպտեմբերին Փիթը ներկայացրեց իր առաջին տեսակի շամպայնը` Fleur de Miraval-ը: Հինգ տարի է պահանջվել Chateau Miraval կալվածքում աճեցված խաղողից վարդագույն գինի ստեղծելու համար:
Անջելինա Ջոլին Բրեդ Փիթից ամուսնալուծվելու դիմում է ներկայացրել 2016 թվականին:
2019-ի գարնանը նրանց ամուսնությունը պաշտոնապես դադարեցվել է: Մինչ օրս նախկին ամուսինները պայքարում են իրենց երեխաների խնամակալության իրավունքի համար: