Զույգը հրաժարվել է երեխաներից և մեծ գումարներ ծախսել շների հագուստի համար
ԱյլՇոտլանդիայի Հյուսիսային Լանկաշիր քաղաքից մի զույգ որոշել է հրաժարվել երեխաներից, երեք շուն է ձեռք բերել և 20 հազար ֆունտ ստեռլինգ ծախսել նրանց պահելու համար: Հաղորդում է Daily Mirror-ը:
35-ամյա Քլեր Քելլի Ջոնսթոնը և 38-ամյա Ստյուարտ Ջոնսթոնը ասել են, որ փորձում են իրենց` Արջուկ, Փոփքորն և Կեքսիկ անուններով շների համար լինել լավագույն ծնողները: Շոտլանդացի զույգը շաբաթական ծախսում է շուրջ 60 ֆունտ ստերլինգ իրենց նախընտրած հագուստի համար: «Նրանք այնքան հագուստ ունեն, որ ես ստիպված էի նրանց համար իրենց սեփական պահարանը պատրաստել: Ես նրանց համար ամեն շաբաթ նոր հագուստ եմ գնում, քանի որ պարզապես չեմ կարողանում ինձ զսպել», - ասել է Քլերը:
Ամեն առավոտ շոտլանդացիները հագցնում են շներին, սանրում մազերը և զբոսանքի տանում: Առավոտյան զբոսանքից հետո կենդանիները նախաճաշում են, նրանք նախընտրում են բեկոն և երշիկեղեն: Զույգը կանոնավոր կերպով իր ընտանի կենդանիներին տանում է սրճարաններ և արձակուրդի: Աշխատանքային շաբաթվա ընթացքում շներին ամբողջ օրը խնամում է դայակը:
Ըստ Քլերի՝ կենդանիները գոհ են իրենց ապրելակերպից. նրանք սիրում են հագնվել և խաղալ իրենց բազմաթիվ խաղալիքներով: «Մենք չենք պատրաստվում երեխաներ ունենալ, քանի որ ես իմ շներին վերաբերվում եմ երեխաների պես և ինձ դուր է գալիս նրանց համար մայր լինել», - ասել է նա: