Թուրք-ռուսական համագործակցությունը մեր տարածաշրջանում կայունության երաշխավորն է. Ալիև
ԱդրբեջանԱդրբեջանի նախագահ Իլհամ Ալիևը նշել է Թուրքիայի և Ռուսաստանի մեծ դերը Հարավային Կովկասում կայունության ապահովման գործում, Թուրքիա-Ռուսաստան-Ադրբեջան-Հայաստան ձևաչափը բավարար է համարում տարածաշրջանում նոր պատերազմի ռիսկերը վերացնելու համար:
«Այսօր տարածաշրջանում համագործակցության իրական գործնական շրջանակ է որոշվել: Թուրք-ռուսական համագործակցությունը մեր տարածաշրջանում կայունության երաշխավորն է: Հայ-ադրբեջանական հարաբերությունները քննարկվել են Թուրքիայի եւ Ռուսաստանի նախագահների վերջին հանդիպման ժամանակ, եւ մենք մշտական կապի մեջ ենք ինչպես Թուրքիայի, այնպես էլ Ռուսաստանի հետ: Ես՝ որպես նախագահ, միշտ կապի մեջ եմ», - երկուշաբթի ասել է Ալիևը Ջրականում:
Ալիեւը նշել է, որ անհրաժեշտ է վերացնել տարածաշրջանում պատերազմի ցանկացած ռիսկ: «Մեզ բավական է հետևյալ ձևաչափը՝ Թուրքիա-Ռուսաստան-Ադրբեջան-Հայաստան: Ով ուզում է, նա կարող է միանալ նրան, ով չի ուզում - ինքը գիտի: Ամեն դեպքում, այսօր տարածաշրջանում ոչ մի նախաձեռնություն հնարավոր չէ իրականացնել առանց Ադրբեջանի համաձայնության: Սա պետք է իմանան բոլորը», - հավելել է Ադրբեջանի ղեկավարը: