«Ինձ ամբողջովին նվիրել էի ընտանիքիս». Ինգա Արշակյանը` երեխաների և ԱՄՆ–ում ապրելու պատճառների մասին. Tert.am Life

Երգչուհի Ինգա Արշակյանն ամուսնությունից և մայրիկ դառնալուց հետո աշխատանքային դադարի մեջ էր։ Այս շրջանում ԱՄՆ–ում բնակվող երգչուհին երկու բալիկ ունի՝ 5-ամյա Մարիան և 3-ամյա Միքայելը։ Մայրիկն արդեն պատրաստ է ընտանեկան կյանքը համատեղել աշխատանքային գործունեության հետ և մեկնարկել է «Haynots» նախագիծը։

Tert.am Life–ի հետ զրույցում նա առաջին անգամ պատմել է նոր նախագծի, երեխաների և ԱՄՆ–ում լինելու մասին։ Ինգան տրամադրել է նաև երեխաների լուսանկարները, որոնց փորձում էր հեռու պահել հանրային հետաքրքրությունից։

«Կարծում եմ՝ երեխաները փոքր տարիքում ավելի անպաշտպան են։ Այդ իսկ պատճառով սպասում էի մի փոքր մեծանան, հետո ներկայացնեի հանդիսատեսին»,– ասաց Ինգան՝ պարզաբանելով, թե ինչու է միայն այսքան տարի անց ներկայացնում երեխաների առաջին լուսանկարները։

Խոսելով աշխատանքային դադարի մասին՝ Ինգան պատմեց, որ այս ընթացքում  իրեն նվիրել էր ընտանեկան կյանքին։ «Փոքրիկներիս էի մեծացնում, ինձ ամբողջովին նվիրել էի ընտանիքիս։ Կարծում եմ՝ նրանք իմ լավագույն ստեղծագործությունն են։ Երկու զավակս իմ հրաշքներս են»,– ասաց Ինգան։

Երգչուհուց հետաքրքրվեցինք՝ արդյոք վերջնական տեղափոխվել է ԱՄՆ, քանի որ վերջին տարիներին այնտեղ է բնակվում, որդին՝ Միքայելը, ծնվել է Միացյալ Նահանգներում։ «Աշխատանքի բերումով հիմա գտնվում  ենք ԱՄՆ-ում, բայց այստեղ մնալու որոշումը վերջնական չէ»,– ասաց նա։

Այս թեմայով «Էնքան արեցին, մինչև ԲՈՒՀ ընդունվողների թիվը երեք անգամ կրճատվեց». Հակոբ Արշակյան (տեսանյութ) Պատրաստ ենք տարբեր ուղղություններով շարունակել խորացնել ՉԺՀ-ի հետ առկա համագործակցությունը. Արշակյան Հայաստանից գյուղեր ու տարածքներ զիջելը լկտի սուտ է. ԱԺ փոխնախագահ Ինձ համար կապ չունի՝ էստեղ եմ նստած, թե Բաղանիսում, եթե պետք լինի՝ բոլորս էլ կռվելու ենք. Արշակյան ՏՏ ոլորտի զարգացումը այլընտրանք չունի, դրա համար էլ լուրջ քայլեր պետք է ձեռնարկենք. Արշակյան