Դավաճանական կապն իմ համար ապահովել է ձեր խմբակցության ղեկավարը. Փաշինյանը՝ Աննա Մկրտչյանին

Վարչապետ Նիկոլ Փաշինյանն ԱԺ-կառավարություն հարց ու պատասխանի ժամանակ պատասխանեց «Պատիվ ունեմ» խմբակցության պատգամավոր Աննա Մկրտչյանին։ «Այս անձը բանավոր պայմանավորվածությունների հիման վրա Հայաստանից ու Արցախից զիջել է ավելին, քան կարելի էր պատկերացնել անգամ։ Եվ իր իսկ նշած օպերատիվ կապը ակնհայտ է, որ ծառայում է բացառապես պայմանավորվածությունների, խոստումների համար»,- ասաց Աննա Մկրտչյանը։

Ի պատասխան Փաշինյանը նշեց․ «Այդ օպերատիվ կապը ձեր խմբակցության ղեկավարն է հիմա։ Գնացեք, խմբակցությունով սենյակում հարցաքննեք, կտտանքների ենթարկեք, թող խոստովանի՝ էդ ի՞նչ ա պայմանավորվել ու ո՞ւմ հետ։ Եթե պայմանավորվել է դավաճանության մասին, ինձ չի զեկուցել ինքը։ Եթե ձեզ զեկուցել է, ուրեմն դա իր անձնական նախաձեռնությունն է եղել, ուրեմն կարծում եմ՝ մեր ազգային անվտանգության մարմինները պետք է ձեր խմբակցության ղեկավարով ու ձեզնով զբաղվեն, տեսնեն էդ ի՞նչ դավաճանական պայմանավորվածությունների մասին եք խոսել։ Ու դավաճանական պայմանավորվածությունների մեջ մտնող մարդու գլխավորած ցուցակի մեջ դուք ի՞նչ գործ եք ունեցել ընդհանրապես։ Ուշադիր եղեք, կարող է պարզվի, որ դավաճանական շրջանակներում եք գտնվում, գուցե դուրս գաք խմբակցությունից կամ իրեն հեռացնեք խմբակցությունից։ Էլի ասում եմ՝ այդ դավաճանական իմ օպերատիվ կապը ապահովել է ձեր խմբակցության ղեկավարը, 5 մլրդ էին ասում, ի՞նչ եղավ էդ 5 մլրդ-ը։ Բա մեր իրավապահ մարմիններն էդ 5 մլրդ-ով ինչու՞ չեն զբաղվում։ Եթե 5 մլրդ է եղել, կարո՞ղ է ինձնից դուրս պայմանավորվածություն են ունեցել»։