Չեմ կարծում, թե հայրենիքի հաշվին միլիարդատեր դարձածները կարան էսօր հայրենիքի ու հայրենասիրության մասին դասեր տան․ Փաշինյան

Ազգային ժողով-կառավարություն հարց ու պատասխանի ժամանակ «Հայաստան» խմբակցության պատգամավոր Լիլիթ Գալստյանն անդրադարձավ Շուշիի մասին Նիկոլ Փաշինյանի հայտարարություններին ու դիմեց վարչապետին՝ «Ինձ համար հայրենիքը հայրենիք է, ձեզ համար՝ կադաստրային և շուկայական գին»։

Ի պատասխան Փաշինյանն ասաց․ «Ինձ համար հայրենիքն այն է, որտեղ ապրում են մարդիկ, որտեղ նայելիս՝ լքված տարածքի տպավորություն չի թողնում։ Լքված բազմաթիվ գյուղեր կան, դրա համար այդ լքված բազմաթիվ գյուղերի ճանապարհները, մանկապարտեզները, դպրոցները կառուցում ենք, լուսավորություն ենք քաշում, ջրագիծ ենք քաշում։ Սյունիքի լքված գյուղերում վերջին ամիսներին 1 մլրդ դրամից ավելի ներդրում ենք կատարել։ Մեզ համար էլ հայրենիքը կենաց չէ, մեզ համար հայրենիքը մարդ է, ծրագիր է, որն իրականացվում է։ Այ եթե մեր կառավարությունում հայրենիքի հաշվին միլիարդատերեր դարձած մարդիկ լինեին, այն ժամանակ կխոսեինք։ Եվ ես չեմ կարծում, թե հայրենիքի հաշվին միլիարդատեր դարձածները կարան էսօր հայրենիքի ու հայրենասիրության մասին դասեր տան»։