Moderna պատվաստանյութը արդեն վաղը հասանելի կլինի պոլիկլինիկաներում ու ամբուլատորիաներում. Ավանեսյան

Moderna պատվաստանյութի բաշխման գործընթացը այսօր արդեն մեկնարկել է: Վաղվանից պատվաստանյութն արդեն հասանելի կլինի պոլիկլինիկաներում ու ամբուլատորիաներում: Այս մասին լրագրողների հետ զրույցում ասաց առողջապահության նախարար Անահիտ Ավանեսյանը:

Նրա խոսքով, պատվաստանյութի 50 000 դեղաչափը նախատեսված է 25 000 մարդու համար, եւ այն պացիենտները, ովքեր կստանան առաջին դեղաչափը, հետագայում կստանան նաեւ երկրորդը: