Պատվաստումների մասին հայտարարությունը Փաշինյանի հերթական դիկտատուրա հաստատելու փորձն է. Մինասյան

«Երեկ արդեն մենք «Հայաստան» և «Պատիվ ունեմ» խմբակցությունների պատգամավորներով դիմում ենք ներկայացրել ՍԴ՝ համայնքների խոշորացման վերաբերյալ օրենսդրական փաթեթի սահմանադրականությունը վիճարկելու հարցով»: Այս մասին այսօր՝ հոկտեմբերի 8-ին, խորհրդարանական ճեպազրույցների ժամանակ ասաց «Հայաստան» խմբակցության պատգամավոր Արծվիկ Մինասյանը:

«Ցավով ենք արձանագրում, որ ՀՀ նախագահը հերթական անգամ չգտնվեց սահմադրությամբ իր լիազորությունների շրջանակների մեջ և ստորագրեց «առևերույթ հակասահմանադրական» օրենքը»,- նշեց Մինասյանը:

«Ակնհայտորեն այս խոշորացումն ունի քաղաքական նպատակ՝ սեփական իշխանությունն էլ ավելի ամրապնդելու և բոլոր տարածքներում ՔՊ-ական իշխանություն հաստատելու մտադրություն: Նիկոլ Փաշինյանը հետ չի կանգնում իր ապօրինի վարքագծից: Երկրորդը՝ այն ոճը, որը որդեգրել էր  կառավարության երեկվա նիստում՝ խոսում էր պատվաստումների մասին և հրահանգ էր տալիս իրավապահ մարմիններին՝ կալանավորել, ձերբակալել պատվաստման գործընթացին խոչընդոտողներին և պահանջում էր, որ դրա մասին զեկուցեն իրեն, սա ոչ այլ ինչ է, քան իրավական տեսակետից լիազորությունների չարաշահում, առերևույթ հանցագործություն, որովհետև չի կարող գործադիրի ղեկավարը դատախազից և քննչական մարմիններից պահանջել՝ զեկուցումներ, ձերբակալումներ և կալանավորումներ: Մենք գործ ունենք հերթական իրավական սանձարձակության և դիկտատուրա հաստատելու հերթական փորձի հետ»,-ասաց Արծվիկ Մինասյանը: