Հրապարակվել է «Տանը մենակ» ֆիլմի ռիմեյքի թրեյլերը (տեսանյութ)

Disney + հարթակը ներկայացրել է «Տանը մենակ» ընտանեկան կատակերգության ռիմեյքի առաջին թրեյլերը: Տեսանյութը հրապարակվել է 20th Century Studios-ի YouTube-յան ալիքում:

Ֆիլմը կոչվում է «Home Sweet Home Alone», ռուսերեն թարգմանությամբ՝ «Տանը մենակ»: Նշվում է, որ ֆիլմաշարի վեցերորդ ժապավենը կլինի 1990 թվականի օրիգինալ ֆիլմի վերագործարկում, հաղորդում է Lenta.ru-ն:

Ռիմեյքում հիմնական դերը կխաղա 12-ամյա Արչի Յեյթսը, որը հայտնի է «Ջոջո նապաստակ» ֆիլմով. նրա կերպարը՝ Մաքս Մերսերը, տանը միայնակ է մնացել, մինչ ընտանիքը ձմեռային արձակուրդներին մեկնել է Ճապոնիա: Հակառակորդները կլինեն ամուսնական զույգ, որոնք կփորձեն գողանալ ընտանեկան թանկարժեք հուշաիրը: Տղան ստիպված կլինի պաշտպանել իր տունը կողոպտիչներից և թույլ չտալ, որ նրանք տանեն արժեքավոր իրը:

Ֆիլմի ռեժիսորը Օսկարի կրկնակի թեկնածու Դեն Մազեռն է, ով հայտնի է այնպիսի կատակերգական նախագծերով, ինչպիսիք են`  «Բորատը», «Շոու Ալի Ջին» և այլն: Ֆիլմի պրեմիերան նախատեսված է 2021 թվականի նոյեմբերի 12-ին: