«Իրավունք». Երեք-չորս ոստիկաններով մտնում են գրասենյակներ ու տուգանում
Հայկական Մամուլ
«Իրավունք» թերթը գրում է. «Չար լեզուներն ասուն են, որ իշխանությունը անցել է իսկական տեռորի: Ուրբաթ առավոտվանից տեսչական մարմինների աշխատակիցները, երեք-չորս ոստիկանների ուղեկցությամբ, մտնում են գրասենյակներ եւ ամենաաննշան առիթը օգտագործում՝ մարդկանց տուգանելու համար:
Մասնավորապես, մեզ դիմած քաղաքացին փաստում է, որ պահանջում են, որ մարդն իր իսկ աշխատասենյակում մենակ նստած դիմակ կրի, հակառակ պարագայում տուգանք` 30-40 հազար դրամ: Մեր խմբագրություն ահազանգած քաղաքացիները փաստում են, որ զուտ ոստիկանների ներկայությունը արդեն իսկ ավելորդ խուճապի առիթ է տալիս:
Տպավորություն է, որ կառավարությունը ոչ թե կանխարգելիչ միջոցառումներ է իրականացնում, այլ կոնկրետ խնդիր է դրված` լցնել բյուջեն ցանկացած գնով:
Մենք փորձեցինք Ոստիկանության լրատվության վարչությունից տեղեկանալ, թե ինչ լիազորությունների շրջանակներում են ոստիկանները տեսչական մարմնի աշխատակիցների հետ այցելում գրասենյակներ: Սակայն ոստիկանները մեզ ուղորդեցին դեպի տեսչական մարմին՝ ասելով, որ նրանք կպատասխանեն: Կփորձենք այդ բացատրությունը ստանալ»:
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
