Դատարանը Զեյն Մալիկին մեղավոր է ճանաչել Ջիջի Հադիդի և նրա մոր նկատմամբ բռնություն գործադրելու մեջ
ԱյլԴատարանը բրիտանացի երգիչ Զեյն Մալիկին մեղադրանք է առաջադրել սուպերմոդել Ջիջի Հադիդի և նրա մոր՝ Յոլանդա Հադիդի նկատմամբ բռնություն կատարելու համար։ Այս մասին հայտնում է TMZ-ը։
Հրատարակության տվյալներով՝ դեպքի օրը Յոլանդա Հադիդը ժամանել է տուն, որտեղ ապրում էր փոփ երգիչն իր դստեր՝ Հայի և մոդելի հետ։ Մալիկին դուր չի եկել նրա անակնկալ այցը, ինչի պատճառով նա կնոջն անվանել է «անիծված հոլանդական պոռնիկ», հարվածել, ապա փակել նրան պահարանում։ Յոլանդայի հետ սկանդալի ժամանակ նա նաև հեռախոսով բղավել և վիրավորել է սիրելիին, քանի որ դեպքի պահին Ջիջին Փարիզում է եղել։
Պաշտոնական փաստաթղթերի համաձայն՝ երգիչն իրեն մեղավոր է ճանաչել ոչ պատշաճ վարքագծի մեջ: Դատարանը պարզաբանել է, որ Մալիկը «ուղղակի չի վիճարկել իրեն առաջադրված մեղադրանքը»։ Թե կոնկրետ ով է նրա դեմ բողոք ներկայացրել` հայտնի չէ։ Լրագրողները ենթադրում են, որ դա արել է Յոլանդա Հադիդը, քանի որ հենց նրա հետ է Մալիկը կոնֆլիկտ ունեցել։
Դատավարության ընթացքում Մալիկին արգելել են մոտենալ Ջիջի և Յոլանդա Հադիդներին։ Նրանից պահանջվում է նաև ավարտել զայրույթի կառավարման դասընթացը և ընտանեկան բռնության կանխարգելման ծրագիրը: Դատավորը նրան նշանակել է տուգանք և մեկ տարի ժամկետով փորձաշրջան։
Նշվում է, որ այս միջադեպից հետո զույգը բաժանվել է: