Փրկարարներն արձագանքել են ՃՏՊ-ների վերաբերյալ ահազանգերին

Հոկտեմբերի 30-ից 31-ը ԱԻՆ ՓԾ Ճգնաժամային կառավարման ազգային կենտրոնում ստացվել է 6 ահազանգ՝ հանրապետության տարբեր տարածքներում տեղի ունեցած ճանապարհատրանսպորտային պատահարների վերաբերյալ:

Մասնավորապես՝ Երևանում, Լոռու մարզի Ստեփանավան, Սյունիքի մարզի Կապան քաղաքներում և Տավուշի մարզի Իջևան-Նոյեմբերյան ավտոճանապարհին։

Դեպքի վայր ժամանած փրկարարները հոսանքազրկել են ավտոմեքենաները, փակել գազի բալոնների փականները, կատարել ճանապարհի լվացման աշխատանքներ և սահմանազատել տարածքը: Կա 6 տուժած։