Տարեց կինը հղիացել է սեփական թոռնիկով

Ավստրալիայում Մարի անունով 54-ամյա կինը որոշել է օգնել դստերը իրականացնել երեխա ունենալու երազանքը, հայտնում է The Sun-ը։ Նրա դստեր մոտ ախտորոշվել է անպտղություն։ Նա նույնիսկ դիմել է փոխնակ մոր օգնությանը, սակայն վերջինս վիժել է։ Այնուամենայնիվ, հետազոտությունները ցույց են տվել, որ մայրը կարող է իր դստեր համար կատարել փոխնակ մոր դերը։

Այժմ կինը գտնվում է հղիության 30-րդ շաբաթում։ Մարին միշտ մտածում էր, որ իրեն «չափազանց ծեր» կհամարեն, որպեսզի թույլ տան երեխա ունենալ: Սակայն խորհրդակցությունից հետո բժիշկները դա հնարավոր համարեցին:

Մարին նաեւ նշել է, որ աշխարհում մարդիկ պետք է տեղյակ լինեն այս փորձից, որ կա նման տարբերակ։ Շատերի համար սա զարմանալի բան է թվում: «Սա ինձ համար առանձնահատուկ փորձ է, և ես երջանկությունից յոթերորդ երկնքում եմ, որ կարող եմ օգնել աղջկաս»,- ընդգծում է կինը։

Մարիի երեխան ծնվելու է 2022 թվականի հունվարին։ Կինը շեշտում է, որ այժմ իրեն հիանալի է զգում, աշխատում է այգում, հնձում է սիզամարգը և անընդհատ շարժվում։ Նա պնդում է, որ շատ է ցանկանում հանդիպել թոռան հետ։