Մաշկաբանը նշել է պզուկներից ազատվելու հիմնական սխալները

Լոնդոնի Harley Street Dental Studio-ի կլինիկայի աշխատակիցն անվանել է մաշկի վրայի պզուկներից ազատվելու հիմնական սխալները։ Նրա խոսքերը մեջբերում է The Sun-ը։

Մաշկաբան Անեկա Խաիրան բացատրել է, որ շատերը հաճույք են ստանում բշտիկներից: Ըստ նրա՝ այս երեւույթը կարող է մի քանի պատճառ ունենալ: Նախ, նման ցանկությունը հաճախ ասոցացվում է դերմատիլոմանիայի հետ (մաշկին ուղղված մոլուցքային վարքագիծը` վերքերը քորելը, բորբոքումները ճզմելը, մաշկի անկանոնությունները քերծելը, բշտիկները կեղևելը, ներսից շուրթերն ու այտերը կծելը):

Երկրորդը, ըստ բժշկի, հազվադեպ չէ, որ մարդիկ ձանձրույթից, սթրեսից կամ սովորությունից դրդված բշտիկներ են սեղմում։ Բացի այդ, մասնագետը փաստել է, որ որոշ տղամարդկանց և կանանց մոտ պզուկները ճզմելիս արտադրվում է դոֆամին հորմոն, որը ստիպում է նրանց հաճույք ստանալ այս գործընթացից։

Առաջին հերթին բժիշկը խորհուրդ է տվել ոչ թե հեռացնել բորբոքումը, այլ դրանց վրա կիրառել այնպիսի միջոցներ, որոնք օգնում են պզուկների նվազեցմանը և անհետացմանը։ Բացի այդ, մաշկաբանը շեշտել է, որ խնամքի համար չպետք է չափից ավելի օգտագործել թթուները, քանի որ դրանք կարող են առաջացնել ճարպի ավելորդ արտադրություն, որը կհանգեցնի էլ ավելի շատ պզուկների առաջացմանը։

«Եթե դեռևս բշտիկ ճզմելու ցանկություն ունեք, տաք կոմպրես կիրառեք ձեր մաշկին: Սա կհանգստացնի մաշկը, և հավանակ է, որ նորագոյացությունն ինքնուրույն դուրս կգա»,- եզրափակել է Խաիրան։ -Բշտիկները ինքնուրույն հեռացնելու համար ավելի լավ է սպասել, մինչեւ մակերեսին սպիտակ գլուխ հայտնվի։ Հարկավոր է հագնել ձեռնոցներ, վերցնել ստերիլ ասեղ և ծակել միայն արտաքին շերտը։ Սակայն, ավելի լավ կլինի գործը թողնել մաշկաբանին»: