Բազմաթիվ հարսնացուները հարսանիքից առաջ բախվել են ընդհանուր խնդրի

Հարսնացուները զանգվածաբար բողոքել են ընդհանուր խնդրից, որին բախվել են իրենց հարսանիքներից առաջ: Նրանց խոսքերը մեջբերում է Daily Mail-ը։

Պարբերականի տվյալներով՝ 50 հարսնացուներ զգեստներ են գնել Լիդսում գտնվող բրիտանական Abigail's Bridal բուտիկից, որը հիմնել է 26-ամյա նախկին մոդել Լորեն Սթենլին։ Սակայն պատվերների դիմաց վճարած գնորդներից ոչ մեկը ժամանակին չի ստացել հարսանյաց զգեստները։

28-ամյա Բյանկա Էսթերինը պատմել է, որ գնել է Stella York-ի զգեստ, 200 ֆունտ դեպոզիտ է ներդրել և սկսել է ապրանքների համար վճարել մաս-մաս։ Սակայն մի քանի ամիս անց բուտիկի աշխատակիցները աղջկան խնդրել են նորից վճարումներ կատարել, քանի որ ընկերությունը փոխել է բանկային հաշիվը։

«Ես մտածեցի, որ դա կասկածելի է, բայց ես, այնուամենայնիվ, փոխանցեցի 568 ֆունտ, քանի որ չէի ուզում կորցնել զգեստը։ Հետո սոցիալական ցանցերում բացասական արձագանքներ տեսա բուտիկի վերաբերյալ, բայց վճարումն արդեն արվել էր, և չէի կարող վերադարձնել այն», - դժգոհել է նա: «Հետագայում պարզվել է, որ զգեստը պատվիրված չի եղել  Stella York-ից, այսինքն՝ ինձ խաբել էին և չէին պատրաստվում ուղարկել»։

Նշվում է, որ Abigail's Bridal-ի մյուս հաճախորդները նույնպես բախվել են նմանատիպ խնդրի։ Օրինակ՝ Քերի Փիրսոնը հարսնաքույրի յոթ զգեստ է պատվիրել, որոնք այդպես էլ ժամանակին չեն հասել: Այդ իսկ պատճառով կինը բուտիկից հետ է խնդրել գումարը, որը մինչ օրս չի ստացել։

Խանութի ներկայացուցիչներն ու դրա սեփականատերը այդպես էլ չեն մեկնաբանել ստեղծված իրավիճակը։

Այս թեմայով Գանայում 12-ամյա աղջկա հետ ամուսնացած 63-ամյա քահանան կարող է պատժվել․ հետաքննություն է սկսվել Այսօր էստրադային երգիչ Սամվել Գրիգորյանի որդու հարսանիքն է (լուսանկարներ) Հարսնացուն հարսանիքի հաջորդ օրը վերցրել է փեսայի փողերն ու փախել «Տարվա հարսանիքը»․ Ասիայի ամենահարուստ մարդն ամուսնացնում է իր որդուն (տեսանյութ, լուսանկարներ) Փեսան հարսանիքին ներկայացել է Apple Vision Pro ակնոցով ու զայրացրել հարսնացուին