Այս տղայի կյանքը մազից էր կախված, սակայն նրան հաջողվեց վերափոխել իր կյանքն ամբողջությամբ (լուսանկարներ)

Reddit-ի օգտատեր candoworkout-ը սարսափով է հիշում 2017թվականը: Այդ ժամանակ նա կշռում էր 195 կիլոգրամ եւ հազիվ էր շարժվում։ Բժիշկները պարզել են, որ նա ողնաշարի ստենոզ ունի. վիրահատությունն անխուսափելի էր։ Ճգնաժամն անցել է, բայց այն անհարմարությունները, որոնք տղամարդն ապրել է ավելորդ քաշի պատճառով, դեռ նրա հիշողության մեջ են։ Նա արդեն սկսել է վերահսկել իր սննդակարգը։ Ճիշտ է, մինչ այդ որոշ ձախողումներ, այնուամենայնիվ, եղան, գրում է Life.ru-ն։

Սկզբում տղամարդը, ինչպես ցուցադրվում է ֆիլմերում, սկսել է ուտել միայն սմուզիներ, հրաժարվել է իր սիրելի գազավորված ըմպելիքից և կերակուրներից։ Ակնհայտ է, որ սա ոչ մի լավ բանի չէր հանգեցնի։ Նա սկսել է թուլանալ, իսկ քաշն այդպես էլ չի պակասել։ Այնուհետև candoworkout-ը որոշել է փորձել կետոդիետան. սա հատուկ սննդակարգ է, որով ածխաջրերով հարուստ սննդի ընդունումը կտրուկ կրճատվում է: Այսպիսով, տղամարդը կարողացել է մի քանի տարվա ընթացքում նիհարել մինչև 97 կիլոգրամով: Եվ սա առանց ակտիվ մարզումների։

Տղամարդը չէր կարողանում մեծ քաշ վերցնել, քանի որ նրա մեջքը դեռ շատ էր ցավում։ Մեկ տարի նա գնաց մարզասրահ, որպեսզի գոնե նվազագույն ֆիզիկական ակտիվություն ունենա։ Բայց 2018 թվականի աշնան վերջին, երբ տղամարդը կարողացավ նիհարել, բժիշկները նրան ողնաշարի խթանիչ իմպլանտ դրեցին, ինչը կրկնակի նվազեցրեց ցավի զգացողությունները։ Այնուհետև candoworkout-ը շարունակեց գնալ մարզասրահ և հաջողություններ գրանցեց:

Նա շաբաթը հինգ անգամ մարզասրահ էր գնում։ Մեկ ժամ վարժություն էր կատարում ազատ կշիռներով, իսկ հետո 15 րոպե անցկացնում սաունայում։ Այժմ նա կշռում է 104 կիլոգրամ, բայց ձեռք բերված քաշը բացառապես մկանային է: Տղամարդու մարմինը լավացել է, սա փաստ է, բայց, ինչպես հավաստիացնում է candoworkout-ը, փոխվել է նաև նրա կյանքը։

«Անարդարացի կլինի չհիշատակել կյանքի վերափոխությունը, որը տեղի է ունենում, երբ դու ինքդ փոխակերպվում ես: Վերանայում ես քո վերաբերմունքը ամեն ինչի նկատմամբ, և դա ազդում է քո վրա։ Ես սկսեցի այլ կերպ մտածել սիրո, աշխատանքի, հավասարակշռության և ... կրկին սիրո մասին: Ուրախությամբ կարող եմ ասել, որ հիմա ինձ լավ եմ զգում։ Ես առողջ եմ և՛ հոգեպես, և՛ ֆիզիկապես»,- ասել է տղան: