Նախկին սուպերմոդելը քննադատություններին պատասխանել է մերկ լուսանկարով

Չեխական ծագմամբ ամերիկացի սուպերմոդել Պաուլինա Պորիզկովան Instagram-ում մերկ ֆոտոշարքից կադր է հրապարակել՝ ի պատասխան իր ապրելակերպի վերաբերյալ քննադատությունների։
 
56-ամյա մոդելը կիսվել է սև ու սպիտակ լուսանկարով, որում մերկ կեցվածք է ընդունել բարձրաճիտ կոշիկներով։ Պաուլինայի ինտիմ հատվածները ծածկված են ֆիգուրներով՝ ուղղանկյուն և աստղ։
 
Հրապարակման վերնագրում Պորիզկովան արձագանքել է բաժանորդներից մեկի բացասական մեկնաբանությանը, որում նա հորդորել է կնոջը հոգ տանել երեխաների և թոռների մասին, չշրջել աշխարհով մեկ և չհրապարակել անկեղծ նկարներ։
 
«Ես 56 տարեկան եմ և հրաշալի կյանք ունեմ: Տարիներ շարունակ հոգալով ուրիշների մասին, ես վերջապես կարող եմ ժամանակ գտնել ինձ համար: Իհարկե, կարող եմ նաև հյուսել, թխել և ջերմանալ իմ ընտանիքի ջերմությամբ այն հազվադեպ դեպքերում, երբ նրանք իսկապես իմ կարիքն ունեմ, բայց նաև կարող եմ ջերմանալ արևադարձային արևի ճառագայթների տակ, սիրելիի ձեռքերում և տեսախցիկի լույսի ներքո»,- գրել է մոդելը։

Մոդելի խոսքով՝ ինքը կիսվում է անկեղծ լուսանկարներով, քանի որ իր մարմնում իրեն վստահ է զգում։ Եվ դա անում է ոչ հանուն լայքերի։

«Տարեց կնոջը թույլատրվում է իմաստություն, հումոր, համբերություն, բայց ոչ զգայականություն: Ոչ սեքսուալություն: Սա հիմնական սոցիալական տաբուն է, ինչի պատճառով ես հրապարակում եմ այն, ինչ հրապարակում եմ: Ես կարող է 56 տարեկան եմ, բայց նույնքան լիարժեք կին եմ, որքան երեսուն տարի առաջ, իրականում, ես կասեի` նույնիսկ ավելին»,- գրել է Պաուլինան։