«Հրապարակ». Զինվորներին արգելված է նկարահանել իրենց ծառայության դրվագներն ու տարածել համացանցում
Հայկական Մամուլ
«Հրապարակ» թերթը գրում է.
«Հայ-ադրբեջանական վերջին օրերի բախումներից ադրբեջանական կողմը տարբեր տելեգրամյան ալիքներով տեսանյութեր է տարածում, թե ինչպես են ադրբեջանցի զինվորները հայ զինվորներին գերի վերցնում, ծեծում, նվաստացնում։ Ու դրանից տպավորություն է ստեղծվում, թե մերոնք խեղճ են, կռվել չգիտեն, արագ հանձնվում են, չեն պաշտպանում իրենք իրենց ու իրենց վստահված դիրքերը։ Իհարկե, նման ամոթալի տեսարաններ էլ են լինում, եւ պետք է հասկանալ, թե ինչու են մեր զինվորները հայտնվել նման իրավիճակում, բայց մերոնք նաեւ հերոսական մարտեր են մղել՝ ոչնչացնելով թշնամուն, որը, սակայն, մեր կողմից չի տեսանկարահանվում եւ չի տարածվում։
Մեզ պատմեցին, որ հայկական բանակի զինվորներին արգելված է նկարահանել իրենց ծառայության դրվագներն ու տարածել համացանցում։ Խոսքը մարտական գործողությունների ժամանակ մեր զինվորների մասնակցությամբ հերոսական դրվագների մասին է։ Մինչդեռ ադրբեջանցիներն իրենց արածը, անգամ չարածը կարողանում են նկարել, տարածել, հոգեբանական գրոհ իրականացնել եւ հաղթում են տեղեկատվական պատերազմում։ Մերոնք անգամ օրենք ընդունեցին սահմանին լրագրողական աշխատանքն արգելելու մասին՝ չհասկանալով, որ դա նշանակում է պարտվել տեղեկատվական պատերազմում եւ թշնամուն զիջել»:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
