Ինչի մասին են խոսում հոսպիսի հիվանդները մահանալուց առաջ
ԱյլՋուլի Մաքֆադենը հինգ տարի է` աշխատում է որպես բուժքույր Լոս Անջելեսի հոսպիսներից մեկում և հաճախ Tiktok-ի օգտատերերի հետ կիսվում է իր փորձով: Նա պատմում է, թե ինչպես են անցնում հիվանդների օրերը նման հաստատություններում, ցրում առասպելներն ու նախապաշարմունքները։ Իսկ վերջերս աղջիկն իր օգտահաշվում իսկապես խորը թեմա է բարձրացրել, որն անհանգստացնում է նաև առողջ մարդկանց:
The Sun-ի լրագրողների հետ զրույցում բուժքույրը խոստովանել է, որ իր աշխատանքում ամենաշատը սիրում է հիվանդներին և նրանց ընտանիքներին մահվան երևույթի մասին կրթելն ու նրանց կյանքի ամենադժվար պահերից մեկում աջակցելը։ Գլխավորը, ըստ Ջուլիի, մարդկանց հասկացնելն է, թե կոնկրետ ինչ է իրենց սպասվում, երբ իրենց հարազատ մարդը հեռանա։
«Մահից առաջ մարդիկ սովորաբար միշտ ինչ-որ բան են ասում։ Ամենից հաճախ դա «Ես սիրում եմ քեզ» կամ էլ կանչում են մայրիկին կամ հայրիկին, ովքեր այդ ժամանակ արդեն վաղուց մահացած են լինում»,- պատմել է Մաքֆադենը:
Աղջիկը նաև ասել է, թե ինչ կարող է ապրել հոսպիսի պացիենտը մահվան պահին: Նրա խոսքով` պետք է իմանալ, որ անձնակազմը միշտ ունի դեղամիջոցներ, որոնք կօգնեն նվազեցնել ցավը և նույնիսկ ամենափոքր տհաճ զգացողությունները հասցնել զրոյի: Այնպես որ, կարիք չկա անհանգստանալու, որ ձեր հարազատ մարդը կմահանա տանջանքների մեջ։
«Ակտիվ մահվան փուլի ախտանիշները ներառում են գիտակցության մեջ փոփոխությունները. մարդը դադարում է հասկանալ, թե ինչ է կատարվում. շնչառության մեջ հայտնվում են բծեր և սեկրեցներ: Սա լիովին նորմալ է և ամենևին էլ ցավոտ կամ տհաճ չէ: Մեր մարմինները կյանքի վերջում հոգ են տանում իրենց մասին, ուստի որքան քիչ միջամտենք, այնքան լավ»,- նշել է բուժքույրը: