«Սայլապանս կառապանիդ վնաս չէ». Արա Զոհրաբյանը ընդդիմությանը կոչ է անում միանալ իրենց շարժմանը
Տեսանյութեր«Վստահ եմ, որ կլինեն փորձեր, երբ նաև բուհերի որոշ ղեկավարների կողմից կլինի թաքնված ճնշում, կամ փափուկ ուժի կիրառում, որ «չմասնակցեք այս տիպի գործընթացներին». Այս մասին այսօր՝ նայեմբերի 23-ին, «Ազատագրական շարժման» հավաքի ժամանակ ասաց «Զարթոնք» կուսակցության առաջնորդ, ՀՀ փաստաբանների պալատի նախկին նախագահ Արա Զոհրաբյանը՝ Պոլիտեխնիկական ինստիտուտի մոտ՝ դիմելով ուսանողներին հատկապես դասախոսներին։
«Դասախոսը լուրջ առաքելություն ունի՝ սեփական օրինակով է դաստիարակում և կրթում ուսանողին և այս պայմաններում պետք է հիշեք, որ գիտակից քաղաքացի եք, եթե փորձեք անհամարձակություն դրսևորել և վախի նշույլներով այս կարևոր պահին հետ քաշվեք, և նույնիսկ այնպես անեք, որ ուսանողները կամ դուք չգաք տեր կանգնեք այս երկրին, դուք որպես գիտակից մարդիկ, ինքներդ հետևություն կանեք, մենք էլ կհիշենք, որ մեր դասախոսները համարձակություն չդրսևորեցին»,- նշեց Զոհրաբյանը:
Զոհրաբյանը հիշեցրեց, որ իրենց շարժումը վերկուսակցական է՝ կոչ անելով ընդդիմադիրներին միանալ իրենց.
«Շարժումը վերկուսակցական է, միահամուռ կերպով ցանկանում են համախմբվել ու խափանել ազգակործան ծրագիրը։ Ուզում եմ դիմել նաև իշխանության թիմում գտնվող քաղաքացիներին, որոնք անհանգստանում են պետության ապագայի համար, կոչ արեց առաջ տանել շարժման բարձրացրած թեզերը, պահանջել զինել առաջնագիծը»։
Զոհրաբյանը հավելեց, որ իշխանության անգործության պատճառով խուճապի մեջ են, ՀՀ քաղաքացու անվտանգության հարցը լուծված չէ։ Նախօրեին նամակ են հանձնել ՀՀ կառավարությանը, ՀՀ նախագահին, սակայն պատասխան չեն ստացել։
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
