Հարսանեկան երաժշտությունը սպանել է մոտ հարյուր թռչուն
ԱյլՀնդկաստանում մոտ հարյուր հավ սատկել են հարսանիքի ժամանակ։ Միջադեպը տեղի է ունեցել թռչնաբուծական ֆերմայում, որը գտնվում է այն վայրի մոտ, որտեղ տեղի է ունեցել իրադարձությունը։ Այդ մասին գրում է The Times of India-ն։
Մասնավորապես, սատկել է 63 հավ։ Մասնագետներն ասում են, որ այդ ամենը տեղի է ունեցել երաժշտության պատճառով:
Թռչնաֆաբրիկայի սեփականատերն արդեն հաղորդում է ներկայացրել ոստիկանություն և հայտնել, որ հավերը սատկել են այն բանից հետո, երբ հարսանեկան շքերթն անցել է ֆերմայի մոտով։
«Բայց փեսայի ընկերները բղավեցին ինձ վրա և դիջեյին ասացին, որ ձայնը բարձրացնի: Նրանք մոտ 15 րոպե դիտմամբ կանգ առան իմ թռչնաբուծական ֆերմայի դիմաց և բարձր երաժշտություն հնչեցրին», - ասել է տղամարդը իրավապահներին:
Թռչունները սատկել են անմիջապես շքերթի հեռանալուց հետո, իսկ անասնաբույժները հայտնել են, որ նրանք մահացել են սրտի կաթվածից:
«Իմ ֆերմայում կար մոտ 2000 հավ: 63 սատկած թռչուններից յուրաքանչյուրը կշռում է մոտ 3 կգ: Ես կորցրել եմ մոտ 25000 ռուփի: Սատկած հավերը դեռ ֆերմայում են, քանի որ ոստիկանությունը խնդրել է ինձ մինչև հետաքննության ավարտը չգցել դրանք»,- հավելել է տղամարդը։
Ոստիկանությունն այս գործով հետաքննություն է սկսել։