Տղամարդը կտրել է իր ականջները, քիթը, շրթունքը` «սև այլմոլորակային» դառնալու համար (լուսանկարներ)
Այլ33-ամյա Էնթոնի Լոֆրեդոն ծագումով Ֆրանսիայից է և իրեն անվանում է «սև այլմոլորակային»: Եվ այս կոչմանը համապատասխանելու համար նա ամբողջովին փոխել է իր մարմինը՝ ենթարկվելով մի քանի լուրջ վիրահատությունների։ Իսկ այժմ տղան մեկնել է Մեքսիկա ևս մեկ ծայրահեղ մոդիֆիկացիա անելու՝ մատները կտրելու համար, գրում է Daily Star-ը։
Պրոցեդուրայի ընթացքում Էնթոնին կորցրել է իր ձախ ձեռքի ճկույթը և մատնեմատը՝ պնդելով, որ այդպես հոգեկան հանգստություն է գտնում։ Տղան իր Instagram-ում կիսվել է գործընթացի և արդյունքի նկարներով։
Արմատական փոխակերպումների սիրահարը նախկինում աշխատել է որպես անվտանգության աշխատակից և նման էր սովորական մկանուտ տղայի՝ դիտարժան քթով: Սակայն, «այլմոլորակայինի» տեսք ստանալու համար՝ նա կտրեց իր քիթը, ականջները, շրթունքը, երկու մասի բաժանեց լեզուն ու իմպլանտներ տեղադրեց մաշկի տակ։ Իսկ աչքերի սպիտակուցային թաղանթը և գրեթե ամբողջ մարմինը ներկեց սև գույնով։
«Իմ ամբողջ կյանքն ինձ ցույց է տվել, որ եթե դու իսկապես ինչ-որ բանի տենչում ես, դա տեղի կունենա»,- ասել է Էնթոնին:
Էնթոնին ոչ միայն իր համար անսովոր կյանք է ծրագրել, այլեւ ցանկություն է հայտնել մահանալուց հետո հայտնվել տիեզերքում։ «Ես ուզում եմ դիակիզվել, երբ մահանամ, իսկ հետո ուղարկեն տիեզերք, որպեսզի վերադառնամ այնտեղ, որտեղից եկել եմ», - եզրափակել է նա։