Playboy-ի մոդելին դուրս են հանել խանութից՝ չափազանց բաց հագուստի պատճառով (տեսանյութ)
ԱյլPlayboy ամսագրի մոդելին վռնդել են Մայամիի առևտրի կենտրոնից ոչ պատշաճ արտաքինի պատճառով։ Այս մասին հայտնում է Daily Mail-ը։
31-ամյա Ֆրենս Ջեյմսը Instagram-ում հրապարակել է մի տեսանյութ, որում ցույց է տվել, թե ինչպես է խանութ գնացել Շչելկունչիկի կերպարով։ Կադրերում երեւում է, որ կնոջ մերկ մարմինը պատված է բոդի-արտով։
Մոդելը բացատրել է, որ մասնակցել է No Nut նոյեմբերյան ֆլեշմոբին, որի ընթացքում մասնակիցներից պահանջվում է մեկ ամսով հրաժարվել սեռական հարաբերությունից։ Տեսանյութում նա ընկույզներ է բաժանում տղամարդկանց՝ հիշեցնելով այդ ակցիայի մասին, որից հետո անվտանգության աշխատակիցը մոտեցել է նրան և խնդրել հեռանալ առևտրի կենտրոնից, քանի որ նրա չափազանց բաց հագուստը խախտում է խանութի դրես կոդը։
«Չեք հավատա, բայց խանութի պահակներն ինձ դուրս վռնդեցին», - սոցցանցերում դժգոհել է նյութի հերոսուհին։ Ջեյմսի բաժանորդներն իրենց հերթին հիացել են նրա արտաքինով։ «Ինչո՞ւ քեզ դուրս վռնդեցին: Դու հիանալի տեսք ունես», «Անվտանգության աշխատակիցները չհասկացան կատակը», «Շքեղ կոստյում, ես ատում եմ առևտրի կենտրոնների պահակներին», «Պարզապես լավագույնը», - գրել են նրանք հրապարակման մեկնաբանություններում: