Բորտուղեկցորդուհիները բացահայտել են ինքնաթիռի հարուստ ուղևորների ամենատարօրինակ խնդրանքները
ԱյլՏարբեր ավիաընկերությունների բորտուղեկցորդուհիները հիշել են ինքնաթիռի հարուստ և ազդեցիկ ուղևորների ամենատարօրինակ խնդրանքները, որոնց առերեսվել են իրենց ողջ կարիերայի ընթացքում, գրում է Vice-ը:
Qatar Airways-ի բորտուղեկցորդուհին, ով նախընտրել է թաքցնել իր ազգանունը, պատմել է, թե ինչպես է իր աշխատանքային առաջին շաբաթվա ընթացքում ստիպված եղել գործ ունենալ տհաճ, ըստ իր խոսքով, 80-ամյա գործարարի հետ, ով նստած էր առաջին դասում և շամպայն էր խմում։
«Ամենատարօրինակն այն էր, որ նա պահանջեց, որ շամպայն լցնեմ իր բերանը։ Մեզ սովորեցնում էին, թե ինչ անել նման իրավիճակներում, բայց հեղինակավոր անձանց հանդեպ իմ մանկության վախի պատճառով ես չգիտեի ինչ անել: Ես ապշած էի» ,- պատմել է բորտուղեկցորդուհին:
Հնդկաստանից բորտուղեկցորդուհի Ստեֆի Քինգհեմը հիշել է, թե ինչպես է Քվեբեկ (Կանադա) թռիչքներից մեկի ժամանակ զրույցի բռնվել մի ուղեւորի հետ։ Զրույցի մեկնարկից ընդամենը 15 րոպե անց կինն սկսել է համոզել բորտուղեկցորդուհուն ամուսնանալ իր որդու հետ և նրա հետ տեղափոխվել Կանադա։
Ավիաընկերության մեկ այլ աշխատակից պատմել է երեք երեխաների հետ տարօրինակ ուղեւորի մասին, ով բիզնես դասով Դուբայ էր թռչում։ Կինը անձնակազմին հայտարարել է, որ ընտանիքի դայակը հիվանդ է, ուստի թռիչքի ժամանակ բորտուղեկցորդուհիները պետք է զբաղեցնեն իր երեխաներին։ Ընտանիքի մայրը նաև հարցրել է՝ օդաչուն կամ բորտուղեկցորդուհին գիտե՞ն ինչ-որ հնարքներ, բայց երբ բացասական պատասխան է ստացել, կատաղել է։
Չինացի ուղեկցորդուհի Ցզյան Քուանը Պեկինից Ուրումչի թռիչքի ժամանակ վատացած տարեց ուղեւորի առաջարկն անվանել է ամենատարօրինակ խնդրանքը։ Ինչպես խոստովանել է բորտուղեկցորդուհին, երբ տղամարդն իրեն վատ է զգացել, ստիպված է եղել հոգ տանել և ուշադրություն դարձնել նրան, չնայած այն բանին, որ չինացին ցանկասեր հայացքներ է նետել իր ոտքերին։
«Ամբողջ ժամանակ նա դեմքի անխռով արտահայտություն ուներ, բայց թռիչքի վերջում նա ինձ առաջարկեց լինել իր «քաղցր փոքրիկը»», - պատմել է Քուանը: