Ապարանցուն ո՞վ կարող է վախեցնել, այ ցավդ տանեմ. համայնքապետի թեկնածու

Երբ 2017 թվականին մենք ընտրվել ենք, խնդիրները բազմաթիվ են եղել, շատ աշխատանք է արվել, որը չենք կարող թվարկե. չեմ կարծում, որ քաղաքում այդքան խնդիրներ են մնացել։ Այս մասին այսօր՝ դեկտեմբերի 5-ին, Ապարանում լրագրողների հետ զրույցում ասաց Ապարանի ՏԻՄ ընտրություններին մասնակցող «Կարեն Եղիազարյան» դաշինքը։ 

Լրագրողի այն դիտարկմանը, որ իր անունը կապում են նախկին իշխանությունների հետ, Եղիազարյանն ասաց. «Եթե ես 2017 թվականի դեկտեմբերին նոր ընտրվել  եմ, ի՞նչ նախկինի մասին է խոսքը։ Ով ինչ ուզում է, խոսում է, ես ոնց մեկնաբանեմ իրենց ասածները»։

Այն լուրերը, թե Ապարանում վարչական ռեսուրս է կիրառվում, Եղիազարյանն ասաց. «Եթե կան փաստեր, տենց բան չկա։ Ով ինչ ուզում խոսում է, եթե ասում են, թող հիմնավորեն»։

Հարցին՝ արդյոք ինքը տեղյա՞կ է՝ ՔՊ-ն բնակիչների նկատմամբ ճնշումներ իրականացնո՞ւմ է, Եղիազարյանն ասաց. «Ես տեղյակ չեմ ոչ մի բանից։

Անդրադառնալով իր վերաբերյալ քրեական գործերին, համայնքապետն ասաց, որ դրանցից մի քանիսը կարճվել են. «Կեղծ շոու էր, քանի որ դատարանը 12 գործ կարճել է, մնացածն էլ երեւի ամսի 17-ի կկարճվի։ Ապարանցուն ո՞վ կարող է վախեցնել, այ ցավդ տանեմ»։