Տղամարդը դանակով հարձակվել է վիճակախաղում շահած սիրելիի վրա

Հարավային Ուելս նահանգի բնակիչ, 45-ամյա Սթիվեն Գիբսը 18 տարով բանտ է նստել սիրելիի վրա դանակով հարձակվելու համար։ Այս մասին հաղորդում է Daily Mirror-ը։

2017 թվականին Գիբսի զուգընկերը՝ 49-ամյա Էմմա Բրաունը, վիճակախաղով շահել է 5,5 միլիոն ֆունտ: Ստացած գումարով տուն է գնել ու սկսել բարեգործությամբ զբաղվել։

Նոր կորոնավիրուսային վարակի տարածման պատճառով սահմանված կարանտինի ընթացքում տղամարդը դանակով հարձակվել է Բրաունի վրա և ծանր վիրավորել նրան։ Տուժածին շտապ տեղափոխել են հիվանդանոց և վիրահատել։

Միջադեպից հետո Գիբսը ձերբակալվել է և մեղավոր է ճանաչվել սպանության փորձի մեջ։ Պարզվել է, որ նա հարձակվել է խանդի հողի վրա. Գիբսը կարծում էր, որ Բրաունը դավաճանում է իրեն նրա գույքի վարձակալներից մեկի հետ: Հոգնելով զուգընկերոջ մեղադրանքներից՝ բրիտանուհին ասել է, որ իրենց հարաբերություններն ավարտվել են։ Հենց այս խոսքերից զայրացած տղամարդը հարվածել է կնոջը պատին, իսկ հետո սկսել խոհանոցային դանակով հարվածել նրան։

Դատավարության ընթացքում հայտնի դարձավ, որ Գիբսը 2005 թվականի հուլիսին դատապարտվել էր վեց տարվա ազատազրկման և չորս տարվա պայմանական ազատազրկման՝ իր նախկին գործընկերոջ 11-ամյա որդուն խոհանոցային դանակով 6 անգամ դանակահարելու համար։

Այս թեմայով Գիտնականները պարզել են, թե ինչպես է առողջ ապրելակերպն ազդում ինտիմ կյանքի վրա Մեգան Թի Ստալյոնն ամբողջովին մերկ է հայտնվել ամսագրի շապիկին (լուսանկարներ) Ամերիկացի զբոսաշրջիկն էքստրեմալ սեքսուալ խաղերով է զբաղվել Իսպանիայում ու մահացել 60-ամյա Սերգեյ Զվերևը մերկ լուսանկար է հրապարակել և զարմացրել երկրպագուներին Քարդի Բին լուսանկարվել է ամբողջովին մերկ՝ ջրահարսի կերպարով (լուսանկար)