Քանյե Ուեսթը կրկին խնդրել է Քիմ Քարդաշյանին վերադառնալ իր մոտ

Ամերիկացի ռեփեր Քանյե Ուեսթը հերթական անգամ խնդրել է հեռուստաաստղ Քիմ Քարդաշյանին վերադառնալ իր մոտ, հաղորդում է The Independent-ը:

Քարդաշյանին վերադարձնելու ցանկության մասին նա հայտարարել է Դրեյքի հետ համատեղ բարեգործական համերգի ժամանակ, որը տեղի է ունեցել Լոս Անջելեսում։ Հիփ-հոփ արտիստը կատարել է Runaway երգը և երկու անգամ կրկնել տողերը. «Ինձ պետք է, որ դու ինձ մոտ վազես հենց հիմա»: Ապա հավելել. «Ավելի կոնկրետ՝ Քիմբերլի»։ Հանդիսատեսը նրա խոսքերին արձագանքել է բղավոցներով։

Ավելի վաղ Լոս Անջելեսի եկեղեցիներից մեկում պատարագի ժամանակ երաժիշտը խոսել էր Քարդաշյանի հետ հաշտվելու ցանկության մասին։ «Ամեն ինչ անում եմ մոտ լինելու համար։ Փորձում եմ ամենախոհեմ ձևով ասել՝ պետք է տուն վերադառնամ։ Որովհետև եթե թշնամին կարողանա բաժանել ՔիմՅեին (Քիմն ու Յեն, Քանյե Ուեսթը նախկինում պաշտոնապես փոխել էր իր անունը Յեի և հրաժարվել ազգանունից), այդ դեպքում միլիոնավոր ընտանիքներ կլինեն, ովքեր կմտածեն, որ նման բաժանումը նորմալ է: Բայց երբ Աստված վերամիավորի ՔիմՅեին, միլիոնավոր ընտանիքներ կլինեն, որոնց վրա դա կազդի, և նրանք կկարողանան հաղթահարել բաժանումը, տրավման»,- ասել էր ռեփերը։

Քարդաշյանն Ուեսթի հետ 7 տարվա ամուսնությունից հետո այս փետրվարին ամուսնալուծության հայց է ներկայացրել: Նշվել է, որ ամուսինները նախամուսնական պայմանագիր ունեն, ինչը նրանցից ոչ ոք չի վիճարկում։ Մասնավորապես, հայտնին ամուսնուց խնդրել է չորս երեխաների համատեղ խնամակալությունը։

Այս թեմայով Սա առաջին սկանդալը չէ, որի մեջ Քանյեն հայտնվել է Քանյե Ուեսթը սեպտեմբերի 6-ին համերգ կունենա Մոսկվայում Քանյե Ուեսթի կինը ներկայացել է թափանցիկ զգեստով՝ առանց ներքնազգեստի (լուսանկարներ) Քանյե Ուեսթի նախկին ընկերուհին փողոց է դուրս եկել ներքնազգեստով (լուսանկար) «Սպառնացել է գեյերին և հրեաներին»․ Քանյե Ուեսթին դատի են տվել