Գիտնականները բացատրել են, թե ինչու է «չափը կարևոր»

Լոնդոնի Քինգս քոլեջի գիտնականների նոր բացահայտումը ցույց է տալիս, որ չափը կարևոր է: Հետազոտության շրջանակներում մասնագետները արհեստականորեն նվազեցրել են ներթափանցման խորությունը՝ սեռական հարաբերության ժամանակ փորձարկվող տղամարդկանց գրգռված առնանդամի վրա դնելով տարբեր չափերի սիլիկոնե օղակներ: Արդյունքների համաձայն՝ ընդամենը մեկ լրացուցիչ սանտիմետրը որոշիչ է եղել կանանց սեռական հաճույքի առումով։ Դա կարող է պայմանավորված լինել նրանով, որ ավելի երկար առնանդամն ի վիճակի է խթանել կնոջ հեշտոցի ողջ երկարությունը և արգանդի վզիկը:

Հետազոտողները ցանկացել են պարզել, թե արդյոք կանանց համար նշանակություն ունի սեռական հարաբերության ժամանակ ներթափանցման խորության արհեստականորեն կրճատումը: Նրանց կարծիքով՝ տղամարդիկ կարող են անհանգստանալ կամ ամաչել իրենց առնանդամի երկարությունից կամ հաստությունից, իսկ շատերը կցանկանային, որ այն ավելի երկար լիներ։

Գիտնականները ելնում էին նրանից, որ կանանց մեծ մասի համար ներթափանցման խորությունը նշանակություն չունի։ Մեկ դյույմով ներթափանցման խորության փոքրացումը հանգեցրել է հաճույքի քանակի վիճակագրորեն զգալի նվազման, քանի որ որքան երկար է առնանդամի էրեկցիան, այնքան քիչ հավանական է, որ օղակները ազդեն սեռական հաճույքի վրա:

«Արդյունքները չպետք է սխալ մեկնաբանվեն այն առումով, թե նորմալ տղամարդու մոտ առնանդամի երկարության մեծացումը կհանգեցնի կանանց սեռական հաճույքի ավելացմանը: Սա բոլորովին այլ ուսումնասիրություն կլիներ»,- ասել է ուսումնասիրության առաջատար հեղինակ, պրոֆեսոր Դեյվիդ Վիլը:

Փորձագետները եզրակացրել են, որ հետազոտությունը հետագայում կրկնելու և արդյունքները հաստատելու համար առնանդամի երկարությունների ավելի բազմազան շրջանակ կպահանջվի: Բացի այդ, հետազոտողները չեն տվել այն հարցը, թե ինչպես է ներթափանցման խորության նվազումը ազդում տղամարդկանց սեռական հաճույքի վրա և ինչպես է դա ազդում նրանց ինքնավստահության և վարքի վրա, իսկ դա կարող է կարևոր լինել ուսումնասիրությունը կրկնելիս: