Հայոց ցեղասպանության ժխտման հովանավոր. Թանկյանը պատասխանել է Led Zeppelin-ի կիթառահարին
ԱյլSystem Of A Down խմբի մենակատար Սերժ Թանկյանը պատասխանել է Led Zeppelin-ի կիթառահար Ջիմի Փեյջի Instagram-ի հրապարակմանը։
Իր հրապարակման մեջ Փեյջը հիշեցրել է Led Zeppelin-ի ելույթը Լոնդոնում 2007 թվականի դեկտեմբերի 10-ին` թուրք-ամերիկացի գործարար և Atlantic Records-ի հիմնադիր Ահմեդ Էրթեգունի հիշատակին նվիրված համերգի ժամանակ։
Դիմելով Փեյջին՝ Թանկյանը գրել է, որ Էրթեգյունը Հայոց ցեղասպանության ժխտման գործընթացում թուրքական լոբբիի ակտիվ մասնակիցն է եղել։
«Հարգելի պարոն Փեյջ, Դուք հավանաբար չգիտեք, որ այդ անձը միլիոնավոր դոլարներ է ծախսել ԱՄՆ-ի համալսարանների վերլուծական կենտրոնների և բաժինների վրա՝ Հայոց ցեղասպանությունը ժխտելու համար: Սրա մեջ բացարձակ պատիվ չկա, վստահ եմ՝ կհամաձայնեք»,- գրել է նա։