Մի պետության, մի իշխանության, որը ցանկանում է ոչնչացնել քեզ, նրա հետ ի՞նչ բարիդրացիություն. Արծվիկ Մինասյան

ՀՀ ազգային ժողովի «Հայաստան» խմբակցության քարտուղար Արծվիկ Մինասյանը Հայաստանի և Թուրքիայի երկխոսության սկսման հարցում ռիսկեր, վտանգներ է տեսնում, համարում, որ դա Հայաստանի ազգային նպատակներին չի ծառայելու:  

Մինասյանը նման տեսակետ հայտնեց ԱԺ-ում լրագրողների հետ զրույցում:

«Ակնհայտ է, որ սա մեր ազգային նպատակներին չի ծառայելու:

Հարցին, թե արդյոք ՀՅԴ-ն դեմ է Հայաստանի և Թուրքիայի միջև բարիդրացիական հարաբերությունների հաստատմանը, Մինասյանը հիշեցրեց, որ ՀՅԴ-ն բազմիցս է ասել, որ առանց նախապայմանների հարաբերությունների հաստատմանը դեմ չէ, իսկ ինչ վերաբերում է բարիդրացիական հարաբերություններին, ապա Մինասյանը հռետորական հարց հնչեցրեց՝ ո՞ւմ հետ բարիդրացիություն: «Մի պետությա՞ն, մի իշխանությա՞ն, որը ցանկանում է ոչնչացնե՞լ քեզ: Նրա հետ ի՞նչ բարիդրացիություն: Դու պետք է միջազգային իրավունքի շրջանակներում քո իրավունքները պաշտպանես: Առանց մեր ազգային իրավունքները հարգելու, պաշտպանելու, առանց մեր ազգին պատուհասած արհավիրքների հետևանքները վերացնելու, ի՞նչ բարիդրացիական»,-ասաց պատգամավորը:

Նա հարց բարձրացրեց՝ ինչո՞ւ էին Թուրքիան և Ադրբեջանը մինչև 2020-ի սեպտեմբերի 27-ը հրաժարվում առանց նախապայմանների երկխոսությունից: Ըստ նրա՝ թուրքական կողմը նախապայմանների մի մասը համարում է չեզոքացված, ոչնչացված, իսկ մի նախապայմանը Արցախի հարցի փակումը, վերացումն է: 

ՀՀ արտաքին գործերի նախարարությունը դեկտեմբերի 14-ին տարածած հայտարարությամբ հիշեցրել էր, որ Հայաստանը, ինչպես մշտապես նախկինում, այնպես էլ այժմ, պատրաստ է Թուրքիայի հետ առանց նախապայմանների հարաբերությունների կարգավորմանն ուղղված գործընթացին: ԱԳՆ-ն այս առումով դրական է գնահատել Թուրքիայի ԱԳ նախարարի` հարաբերությունների կարգավորման նպատակով հատուկ ներկայացուցիչ նշանակելու մասին հայտարարությունը, և հաստատել, որ հայկական կողմը ևս երկխոսության համար հատուկ ներկայացուցիչ կնշանակի:

Այս թեմայով Առաջարկում եմ ԶՈՒ ներկայացուցիչ հրավիրել խորհրդարան՝ իրավիճակը քննարկելու. Արծվիկ Մինասյան Պարտք եք վերցնում, որ ավելի լավ կառավարեք նախկինում վերցրած պետական պարտքը․ Արծվիկ Մինասյան Քաղաքական առումով երեկ իշխանությունը ցույց տվեց իր խուժանական կերպարը. Արծվիկ Մինասյան Ուկրաինայում բնակվող հայ քաղաքացիները ծանր վիճակում են․ Արծվիկ Մինասյան ՀՀ նախագահը, Բաթոյանը, Առաքելյանը, Ջանջուղազյանը, Թորոսյանը, Արշամյանը կանչվել են քննիչ հանձնաժողով․ Մինասյան