ՔՊ-ն ու Փաշինյանը շարունակում են ՀՀԿ-ի ծանոթ «ձեռագիրը»

Հայաստանում տեղի ունեցած վերջին ՏԻՄ ընտրությունների արդյունքում մի շարք համայնքներում ղեկավար էին ընտրվել գործող իշխանությունների ընդդիմադիր թեկնածուներ, ինչը բնականաբար չէր կարող լինել ՔՊ-ի սրտով, քանի որ մարզերի կորուստն արդեն իսկ լուրջ զանգ է իշխանությունների համար:

Արդյունքում` ընտրություններից հետո իշխանությունները զարկ տվեցին տոտալ ռեպրեսիաների: Վարդենիսում բերման ենթարկվեց ընտրված համայնքապետը, նրա կինը կանչվեց հակակոռուպցիոն կոմիտե:  Թալին խոշորացված համայնքի ավագանու ընտրություններին մասնակցած ու ավագանու մանդատներ ստացած 3 քաղաքական ուժերը՝ «Զարթոնք» ազգային քրիստոնեական կուսակցությունը, «Հայք» լիբերալ կուսակցությունն ու «Մեր համայնքը» կուսակցությունների դաշինքը հայտարարել էին, որ որոշել են համատեղ ստանձնել Թալին համայնքի կառավարման պատասխանատվությունը փոխադարձ հարգանքի և փոխօգնության սկզբունքներով և Թալին համայնքի ղեկավարի պաշտոնում առաջադրելու ու պաշտպանելու են «Հայքի» ներկայացուցչին: Այսօր, սակայն, «Զարթոնք» ազգային քրիստոնեական կուսակցությունը հայտարարել է, որ իրենց թիմի անդամներից 3-ին բերման են ենթարկել ՀՀ ոստիկանության Թալինի բաժին:

Ըստ մամուլի՝ Արարատի մարզի Վեդի համայնքում հետընտրական կրքերն այնքան լարված են, որ ընտրություններին մասնակցած ուժերի կողմնակիցների միջև լեզվակռիվը նախօրեին ավարտվել է դանակահարությամբ։ «Հզոր համայնք» կուսակցության աջակից Տիգրան Նահապետյանն ու «Հանրապետություն» կուսակցության ցուցակը գլխավորած Գագիկ Հակոբյանի՝ Գոջիի աջակից Բորիկ Հովակիմյանը, որոնք աշխատում են Վեդիի էլեկտրացանցում, վիճել են, թե ով պետք է դառնա Վեդիի համայնքապետ, և լեզվակռիվն այնքան է թեժացել, որ Գոջիի համակիրը սեղանից դանակը վերցրել ու դանակահարել է Տիգրան Նահապետյանին` խոցելով թոքը: Նրան տեղափոխել են «Էրեբունի» ԲԿ-ի վերակենդանացման բաժանմունք, վիճակը կայուն ծանր է գնահատվում։

Իսկ ուշագրավն այստեղ այն է, որ ՔՊ-ն, ըստ էության, կրկնում է ՀՀԿ ձեռագիրը: Դիցուք՝ 2017 թվականին  Արարատի մարզում «Ելք» դաշինքի թեկնածու, «Հանրապետություն» կուսակցության անդամ Ռազմիկ Թեւոնյանը հայտարարել էր, որ փակվել են Մասիսում ու Արտաշատում բացված իր շտաբները։ Շտաբի տարածքների սեփականատերերը այն վարձակալության հանձնելուց կարճ ժամանակ հետո մոտեցել են թեկնածուին ու ասել, որ չեն կարող այլեւս դրանք իրեն տրամադրել։ Թեւոնյանի խոսքերով՝ այդ տարածքների սեփականատերերի մոտ են ուղարկում նրանց վրա ազդեցություն ունեցող տարբեր մարդկանց, ոստիկաններն են նրանց զանգահարում, զգուշացնում, որ ընդդիմությունից պետք է վերցնեն դրանք։

2017-ին Ավանում ընտրությունների ժամանակ ծեծի էր ենթարկվել ԵԼՔ-ի վստահված անձը:

2012-ին հետընտրական ծեծկռտուք էր տեղի ունեցել Արմավիրի մարզում; Այստեղ մեծամասնական ընտրակարգով առաջադրված էին երեք թեկնածուներ` ինքնաառաջադրված, անկուսակցական Մերուժան Մխոյանը, Հանրապետական կուսակցության կողմից առաջադրված, գործող պատգամավոր Ալեքսան Պետրոսյանն ու Հայ ազգային կոնգրեսի (ՀԱԿ) թեկնածու Սեդրակ Հովհաննիսյանը:

2013-ին ընտրություններից հետո Ժառանգության մամլո խոսնակ Հովսեփ Խուրշուդյանը հայտարարել էր, որ Մալաթիա-Սեբաստիա համայնքում գործարար Սամվել Ալեքսանյանի ներկայացուցիչները ահաբեկել են իրենց անդամներին: Մասնավորապես, տեղամասերից մեկում կատարվել է լցոնում, որից հետո կեղծարարները «Ժառանգության» անդամին ասել են, որ եթե արձանագրի, ապա կվերացնեն ընտանիքը: Մեկ այլ տեղամասում սպառնալիքը, ի տարբերություն նախորդի, արդյունք տվել է, եւ խախտումը չի արձանագրվել: 

Ինչպես ցույց են տալիս այս վերը նշված օրինակները՝ նախկինում ընդդիմադիրների հանդեպ կիրառվել է նույն ռեպրեսիվ գործիքակազմը, ինչ այսօր կիրառվում է գործող իշխանությունների՝ տարիներ առաջ ճնշված ընդդիմադիրների հանդեպ: Ստացվում է՝ ՀՀԿ-ին չէր կարելի, իսկ ՔՊ-ին կարելի է...

Այս թեմայով Փաշինյանի և Ալիևի հնարավոր հանդիպման հարցը կախված է բացառապես նրանցից․ Լավրով Ցավալի է, որ խորանի առջևից հետևում է Ամենայն Հայոց դավաճանը՝ մարդ, ում «ջանքերով» պղծվել են տասնյակ ու տասնյակ օծյալ խորաններ. Ռուբեն Մելիքյան Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան Նիկոլ Փաշինյանն ու Աննա Հակոբյանը թիկնապահների ուղեկցությամբ մտան Մայր Տաճար. (տեսանյութ) Թղթի կտորի վրա Ալիևի ստորագրության համար Փաշինյանը պատրաստ է միջանցք տալ. Արթուր Խաչատրյան