Ավագանին ֆորմալ կարող է քաղաքապետ փոխել, բայց երևանցիներն ուզու՞մ են փոխել. ավագանու «Իմ քայլը» խմբակցության անդամ

Երևանի ավագանու «Իմ քայլը» խմբակցության անդամ Վահե Գևորգյանը Ֆեյսբուքի իր էջում անդրադարձել է քաղաքապետ Հայկ Մարությանի պաշտոնանկության գործընթացին:

«Ես, որպես ավագանու անդամ ոչ մի ստորագրություն չեմ տվել, չեմ էլ տալու, անվստահություն հայտնելու պատճառ չունեմ, և Համարում եմ, որ դա չի բխում Երևան քաղաքի  շահերից։ Ուզում եմ հիշեցնել, որ քաղաքպետի մանդատը առաջնային մանդատ է, ընտրվել է ուղիղ Երևան քաղաքի բնակիչների կողմից։ Ավագանին ֆորմալ կարող է քաղաքապետ փոխել, բայց Երևանցիներն ուզու՞մ են փոխել»,- գրել է նա։