Ովքեր են միացել Հայկ Մարությանի իմպիչմենտի նախագծին

Մի քանի օր է՝ Երևանի ավագանու «Իմ քայլը» խմբակցությունը քաղաքապետ Հայկ Մարությանին անվստահություն հայտնելու գործընթաց է սկսել։ Ստորագրահավաքին միացել են նաև ընդդիմադիր խմբակցությունները՝ ավագանու 65 անդամից 43-ը: ԼՈՒՐԵՐ․com-ը դիմեց Երևանի ավագանու «Իմ քայլը» խմբակցության ղեկավար Արմեն Գալջյանին՝ տրամադրել ավագանու անդամների ցանկը, ովքեր միացել են նախագծին, սակայն վերջինս այդպես էլ չարձագանքեց։   

Ըստ տեղեկությունների՝ «Իմ քայլը» խմբակցությունից քաղաքապետի հեռացմանը կողմ են քվեարկել ավագանու հետևյալ անդամները՝ Հրաչյա Սարգսյան, Արմեն Կոտոլյան, Նուարդ Վարդանյան, Լևոն Հովհաննիսյան, Արթուր Իսպիրյան, Աշոտ Սարգսյան, Արմեն Գալջյան, Հակոբ Մելիքյան, Ռուբեն Սիմոնյան, Էդուարդ Ավետիսյան, Ավետիս Գասպարյան, Աշոտ Մնացականյան, Լուսինե Մխոյան, Սաթենիկ Մկրտչյան, Դավիթ Զախարյան, Արման Բաբաջանյան, Կարինե Բաղդասարյան, Սիփան Ասատրյան, Լիլիթ Կիրակոսյան, Մարատ Թոխյան, Տիգրան Գալստյան, Լուսինե Գևորգյան, Արման Հարությունյան, Սերգեյ Ապրեսյան, Հակոբ Մելիքյան, Գայանե Եղիազարյան, Ռուբեն Սիմոնյան, Վազգեն Դարբինյան, Ասքանազ Աբրահամյան, Անուշ Քլոյան, Վիլեն Գայֆեջյան, Մարլենա Ստեփանյան, Դիանա Քերոբյան, Զարուհի Աղաջանյան։ ԲՀԿ խմբակցությունից՝ Միքայել Մանրիկյան, Արմեն Ներսիսյան, Մարկոս Հարությունյան, Լյուդմիլա Սարգսյան, Քրիստինա Վարդանյան։ «Լույս» խմբակցությունից՝ միայն Անի Խաչատրյանը։ 

Նկատենք, որ «Իմ քայլի» նախաձեռնությանը չեն միացել ավագանու անդամներ Դավիթ Խաժակյանը, Թեհմինա Վարդանյանը, Իզաբելլա Աբգարյանը, Գրիգոր Երիցյանը,  Վահե Գևորգյանը, Ռուբեն Հայրապետյանը, Գայանե Վարդանյանը և Օսվաննա Հովսեփյանը։

Հիշեցնենք, որ երեկ Երևանի ավագանու «Իմ քայլը» խմբակցությունը հանդիպել էր ՀՀ վարչապետ Նիկոլ Փաշինյանին և ներկայացրել՝ Հայկ Մարությանին անվստահություն հայտնելու հիմքերը։ Նրանք հայտնել են, որ իրենց քաղաքաքպետի նոր թեկնածուն Երևանի քաղաքապետի առաջին տեղակալ Հրաչյա Սարգսյանն է։