Աբրահամ Ռուսսոն Իոսիֆ Պրիգոժինի դեմ հաղորդում կներկայացնի ոստիկանություն

Ռուսական էստրադային երգիչ Ավրաամ Ռուսսոն հաղորդում կներկայացնի ոստիկանություն պրոդյուսեր Իոսիֆ Պրիգոժինի դեմ։ Այս մասին հայտնում է KP.RU-ն՝ հղում անելով արտիստի շահերը պաշտպանող փաստաբան Անդրեյ Ալեշկինին։

Փաստաբանի խոսքով՝ շոումենը լրատվամիջոցներին տված իր մեկնաբանություններում Ռուսսոյին խարդախ է անվանել։ Նշվում է, որ խոսքը տասնհինգ տարի առաջ տեղի ունեցած կոնֆլիկտի մասին է, երբ երաժիշտը ենթադրել է, որ Պրիգոժինը կարող է կապ ունենալ իր սպանության փորձի հետ։

Արտիստի ներկայացուցիչն ընդգծել է, որ պատրաստվում է Ռուսոյի անունից հաղորդում ներկայացնել ոստիկանութուն` զրպարտության համար: «Մենք հաղորդում կներկայացնենք Իոսիֆ Պրիգոժինի դեմ։ Լրատվամիջոցները հայտնել են պրոդյուսերի խոսքերը, ով Ռուսոյին սրիկա ու խարդախ է անվանել։ Խարդախությունը քրեական հանցագործություն է»,- ասել է Ալեշկինը՝ հավելելով, որ ինքը և կատարողը պատրաստ են խոսել Պրիգոժինի հետ՝ կոնֆլիկտը կարգավորելու համար։

Նոյեմբերին Իոսիֆ Պրիգոժինը դատական ​​գործընթացներով սպառնացել էր երգիչ Աբրահամ Ռուսսոյին և «Секрет на миллион» ծրագրին։ Այնուհետ նշվել է, որ ավելի վաղ կատարողը դարձել է հաղորդման հյուր և ակնարկել, որ 2006 թվականին շոումենը մասնակցել է իր մահափորձին։